Ihlathululo
Umhlobo omhlophe wamaderibe wewayini atjalwe eendaweni zeenarheni ezikhiqiza iwayini umhlaba zombelele.Indabuko/Imvelaphi
I-Sémillon ngomunye wemihlobo embalwa khulu keyathengwa ukusuka esewula tjhingalanga ye-France ithengelwa eSewula Afrika begodu ithengwa ma-French Huguenots ngeminyaka yabo-1960s. Nanamhlanje, isathathwa njengomhlobo omhlophe ongomunye waleyo eqakatheke khulu ekhiqizwa e-Bordeaux.Amanye Amagamawo
Enarheni ye-Australia waziwa njenge-Hunter Riesling, kuthi enarheni ye-France waziwe njenge-Blanc doux, Colombier kanye ne-Malaga, kuthi eSewula Afrika waziwe njengamaderibe ahlaza satjani (Green Grape).
Begodu ukhe wabizwa ngokuthi yi-“The Grape” eSewula Afrika ngeminyaka yabo-1820s, ngebanga lokobana ikhe yatshwaya isibalo esiphezulu samaphesende ngaphasi kweendawo zomkhiqizo wangaleso isikhathi.
Ukukhiqizwa eSewula Afrika
Ngeminyaka yabo-1820s, yakhiqiza amaphesende abalelwa emasumini alithoba (90%) eendaweni ezikhiqiza iwayini yamaderibe, kodwana wabuya walahlekelwa lithando, ngemva kokubanjwa bulwelwe obaziwa nge-Phylloxera obona kumbi iimvande ezinengi ngeminyaka yabo-1880s kanye nokufika kwe-KWV’s quota system ngeminyaka yabo-1950s.
Kuthe ngeminyaka yabo-1995, i-Sémillon yajama ephesendeni elilodwa emkhiqizweni weentjalo enarheni le. Isekelo lawo libonakala liletha umehluko kodwana lisengakabi ukukhuphula inani lokutjaleka kwawo.
Umkhiqizo Weemohande
Olifants River, Swartland, Klein Karoo, Paarl, Robertson, Stellenbosch, Worcester, Breedekloof kanye ne-Cape South Coast.Ukukhula Nokuthela Kwawo
Umhlobo lo ukhula kuhle ngokulingeneko eendaweni zehlabathi ethembisa khudlwana, kuthi umkhiqizwaqo ubalwe ukusuka ku-10 t/ha to 15 t/ha.
Uvamise ukuveza isithelo ezinamatshwayo wefeyi ahlaza satjani, kanti-ke eSewula Afrika ahlotjaniswa newayini yezinga eliphezulu, khulukhulu lokha nayitjalwe eendaweni eenqongolweni ezipholileko zomoya wesewula tjhingalanga.
Ukuvuthwa
Avuthwa kusese nesikhathi phakathi kwesikhathi sonyaka.Umomori
Amamomori akheke njengamaqanda begodu anobukhulu obuphakathi. Anombala ohlaza satjani onobusarulana. Anamakelo amatsikana nathambileko. Ilingaphakathi alinambala, lithambile begodu lande ngejuzi. Esele livuthwe ngokwaneleko,libanomnambitho wotjani.Amakari
Ikari esele lilikhulu libanesilinganiso sobukhulu esiphakathi, esirondo kanye neencenye ezihlanu zesiphetho. Amakari athoma ngokuba nombala ohlaza satjani okukhanyako, ovamise ukuba mnyama nasele akhulu ngokwaneleko.Iintjhabalalisi Namalwelwe
Umhlobo lo uvamise ukutshwenywa khulu kutjhwaba kwangaphambi kwesikathi kanye nokubola okubizwa i-botrytis, khulukhulu nawukhiqizwa eendaweni zehlabathi ebuthelelwe mamanzi wechibi, nokho uyakghona ukuzilwela ebulwelweni obibizwa-anthracnose. Kanti-ke ubuthakathaka ekonweni mumoya wethwasa hlobo.Umsebenzawo
I-Sémillon ingasetjenziswa yodwa nofana ivangwe neminye imihlobo. Ivamise ukusetjenziswa khulu nomhlobo obizwa nge-Sauvignon blanc ukwenzela ukukhiqiza umvango wezinga eliphezulu we-Bordeaux nofana eminye imihlobo, okuvame ukuba yi- Chardonnay. Ikhe yahlathululwa njenge nwabu, ngombana ikghona ukupha iminambitho embalwa engafaniko.Amawayini
Umhlobo womnambithwawo uvamise ukuya ngobujamo bezulu, isikhathi lapho umomori akhiwe khona, indlela okhule bewathela ngayo kanye nokuthi imithi isahlelwe kubola okubizwa nge-botrytis. Imihlobo ekhona eSewula Afrika inomhlobo womnambitho wotjani nofana wefeyi elihlaza satjani.
Umhlobo ngamunye hlangana neembalwa ekghona ukwenza inambitho ngokusebenzisa indlela ebizwa i-canopy management. Ngemva kokuvulwa kwawo emva kwendlela le, abanenambitho elijayelekileko nelikhanyako kuthi lawo angakavulwa anambithe satjani.
Translated by Johannes Nkosinathi