Lesihlahla lesincane lesinetinshwana letincane sihluma eMelika futsi setsiwa ligama ngemuva kwendvodza lekholwako ye Spanish lengu Francisco Ximenez. Le 'caffra' lencane ichamuka ebitweni
lelidzala lendzawo lese Eastern Cape-Kaffraria. (Ximenia caffra ingaphazamiseka malula ne Ximenia americana kepha lamacembe eX. americana kanye naluhlata losasibhakabhaka-luhlata kantsi netitselo timtfui esikhundleni sabovu.)
Lokusasihlahla-lokuhlala kulesinye kungatfolwa kuncenye yendzawo yetihlahla lesemphumalanga yase Afrika lapho sihluma ngekucina uma sitsintsana naletinye timphandze ngendlela letsite. Sitsandza indzawo lenelilanga, asivani nesomiso futsi singamelana nesitfwatfwa lesisemkhatsini. Leliplum lelimunyu lihluma libe ngu 50cm kuya etulu ngemnyaka munye phindze lente ihedge lenhle.
Lesitselo lesimunyu futsi lesishayisa ngemoya sitsandvwa tinyoni, tilwane (kufaka tindlulamitsi kanye netinyamatane) kanjalo nebantfwana labasisebentisela ekwakheni jamu kanye nekudla lokudliwa ekugcineni. Leliplum lelimunyu likahle lidliwa liluhlata lingakavutfwa kahle, uma loma kahle phindze livelela njenge liplum lelomisiwe. Kuma-kweliplum kanye nekuhluka ngelibala kusuka kumtfubi kuya kubovu lomnyamana, leliplum lelimunyu livunwa ngesikhatsi setimvula tasehlobo kusuka enyangeni yeLweti kuya kunyanga yeNdlovu. Tihlahla tingakhokha titselo letingaba ngu15-17 kg ngemnyaka.
Titselo tivame kushiywa emantini labandzako kutsi tihlale lapho, bese lencenye yangekhatsi lelula yalesitselo iputjutelwa emantini - lejusi iyabiliswa phindze ihlanganiswe nemphuphu yembila kwentela kwakha incwncwa. Sitselo seliplum lelimunyu sinavithamini C lophakeme kanye nepotassium (K) phindze sitfwele iphrotheni. Lesitselo sitfwele inhlavu yinye levelelako lena 65% we oyili. Le oyili isetjentiswa etintfweni tekugcobisa letitsambisa sikhumba kanye nekutsambisa tintfo letakhiwe ngesigogo.
Ngetulu kwebantfu kanye netilwane letimashumi lasitfupha kanye nesifo lesingasiso lesibi kulashwa ngesitjalo seliplum lelimunyu kufaka netifo letitfolwa ngekwelicansi kanye nesifo sembuzulwane. Lenye indlela yekusebentisa liplum lelimunyu ngendlela yemutsi kufaka kupholisa emehlo lavutsako kanye nemadlala (emanti alamacembe), njengemutsi wekusheka (emanti etimphandze) nekwelapha buhlungu lobusesinyeni kanye nebuhlungu bemchamo (emanti emacembe kanye netimphandze).
Lemphuphu yetimphandze yelapha tilondza, iTB-sifo lesatiwako futsi noma ihlanganiswe nabhiya, isebenta njengentfo lejabulisako, ibe lemphuphu uyemacembe entiwe kutsi alaphe nawungakhoni kumitsa kanye nekususa emakhata. Leliplum lelimunyu lihluma kusuka etinhlavini bese lihlanyelwa nga 5:1 kuhlanganiswa kwesihlaba kanye nalokuhlangene kwetintfo letingaphili.
Inchazelo Yemutsi
Lwati lwalemfundvo kanye netidzingo telwati kuphela ngekutsi kungahle kungatsatfwa njengekucebisa ngekwemutsi. Lolwati alukahlelwa kutsi lumelele kucebisa ngekwemutsi noma kwelapha lokunikwa tati letibuke temphilo.
Translated by Phindile Malotana