Kubalulekile kwati kutsi emakotapeni akavutfwa abe asesihlahleni, kepha kumele akhiwe kwentela kutsi akhona kutsatsa kuvutfwa.
Akhiwa nini Emakotapeni
Titselo tidzinga kukhiwa nasekufike sikhats sekukhula njengoba lesitselo sitokhona kuvutfwa nasesikhiwe. Uma sikhiwe sisengakakhuli, lesitselo angeke sivutfwe kepha sitoshwaphana.
Kwentela lizinga lelikahle lekudliwa, emakotapeni kumele atfwale oyili cishe wa 10%. Luhlolo lwekukhula lwenteka ngaphambi kufike sikhatsi sekuvunwa. Luhlolo lwebumantana kanye nekushisashisa kwenteka ngekusebentisa tintfo letibalulekile letibitwa emamitha lamantana noma ngekomisa tintfo tekubonisa ku avini noma ku microwave.
Kuvunwa kwe Makotapeni
Kushiyane ngendzawo yekukhicitwa kanjalo nenhlanyelo – kusacala noma ekupheleni kwesikhatsi setinhlobo letiningi – kuvunwa kwema kotapeni eNingizimu Afrika kungacala ngenyanga yeNdlovana ne Fuerte bese kugcina ngenyanga yeMphala noma yeLweti ne Lamb Hass kanye ne Ryan. Tinhlobo letinsha tiyakhuliswa phindze tiyahlanyelwa kwentela kuchubekisa lo kuvunwa kwemakotapeni.
Emakotapeni akhiwa ngesandla bese atsatfwa ayopakishwa endzaweni lapho agadvwa kutsi angashayisani kanye nemagcuzumba. Ahlelwa ngelinani phindze awashwe ngekudla lokute emagciwane. Emakotapeni angapakishwa emakhathonini, ematreyini, etikhwameni letinetinetisefo noma kumaplasitiki, kushiyane ngemakethe yawo.
Ngesikhatsi sonkhe sekuvuna, inchubo yekulungisa kanye nekupakisha ngekunakekela kuyatsatfwa hhayi ngekutsi kufunwa kubanga kulinyatwa ngetingalo temuno kanye nekulimata lesitselo; basenti noma tisebenti tigcoka kwekumbonya tandla kwentela kuvikela lesitselo kutsi singalimali.
Kugcinwa ne Kuvutfwa kwe Makotapeni
Emakotapeni ase Ningizimu Afrika ahanjiswa ngemikhumbi kusuka eCape Town kuya eEurope. Lokuhambisa ngelwandle kutsatsa phakatsi kwemalanga lalishumi nakune kuya ku eshumini nesiphohlongo phindze kuya ku malanga lamashumi lamabili nesihlanu kwentela kufika kulesitolo lesise Europe kantsi futsi kuze kukhonwe kwehlela phansi lenchubo yekuvutfwa, emakotapeni agcinwa lapho kuphole khona bese ayahanjiswa amikiswa etintfweni letiyifrigini lapho kuyindzawo legadziwe (controlled atmosphere – CA).
Ngesikhatsi ipholile lendzawo kanye nesimo salemotolo, kungesikhatsi lenchubo ivutfwa kancane, kepha kunakekela kumele kwenteke kuze kuvikelwe kulimala. Sikhatsi sekucala semakotapeni kufana ne Fuerte ayatsatsela kuloku. Kulimala kancane kungenteka lapho agcinwe khoma esimeni lesingaphansi kwa 5 °C phindze kubange libala lelingekhatsi lenyama libe mphunga noma nsundvu lona lokumnyama lokumabala lakheka kulesikhumba.
Inhlangano Yekukhulisa Emakotapeni eNingizimu Afrika (iSouth African Avocado Growers’ Association – SAAGA) incoma kutsi simo sa 6 kuya ku 7 °C kanye nekushisashisa lobumantana ba 85 kuya ku 95%. Simo sekushisa lesingu 7.5 °C kwesikhatsi lesisekucaleni setitselo siyatsetseka. Kuwenta kutsi atsambe, emakotapeni agcinwa lilanga linye noma mabili ku 20 kuya ku 25 °C ku 95% ngesimo lesishisashisako nebumantana.
Emakotapeni akufuni kutsi agcinwe sikhatsi lesidze ngekukhokha umkhicito lofana na bhanana, emahhabhula noma emakhabishi njenga gesi longenta libala ngekhatsi. Nomakunjalo, kute kuhambe ngekushesha ekuvutfweni ekhaya, emakotapeni angabekwa nabhanana esikhwameni lesinsundvu emalanga lambalwa.
Translated by Phindile Malotana