Ndi zwa ndeme u divha uri afukhada ali vhibveli nntha ha muri, fhedzi li fanela u fuliwa uri u kone u langa kuvhibvele kwalo.
Ndi Lini Hune wa nga Fula Afukhada
U fanela u li fula musi lo no hula ngauri li fanela u vhibva tshothe lo no fuliwa, arali wa nga li fula li tshi kha di vha kule na u vhibva ali nga vhibvi li do tou sina.
Uri li kone u liwa zwa vhudi afukhada li fanela uvha na mapfura kha musi ane aswika 10%. Zwa u kona u tola u vhibva zwiitwa li saathu fulwa. Zwa u kona u tola zwi nga itwa nga zwishumiswa zwine zwa vha uri zwo khethea kana nga u iswa ha dzi tsumbo kha oven.
U Kaniwa ha Maafukhada
Zwi tshi khou bva kha u bveledziwa ha hone na lushaka lwa afukhada - tshaka dzine dza tavhanya kana u lenga-u kaniwa ha maafukhada Afrika tshipembe zwi nga thoma nga nwedzi wa Luhuhi nga lushaka lwa Fuetre zwa guma nga nwedzi wa Tshimedzi uya kha Lara. Hu di vha na tshaka nntswa dzine dza khou tumbuliwa dzine dzi ya kona u engedza tshifhinga tsha u kana.
Maafukhada afuliwa nga zwanda hune wa do kona u adzhia wa ya wa avhea fhethu hune wa do vha u tshi kona u sedza ane avha uri vhaisala. Aya kona u vhewa nga u edana ha ho akona u tanziwa nga mishonga ya hone. Unga kona u a paka kha dzi carton, thirei, dzi bege dza vhunethe zwi tshi khou bva kha maraga wa hone.
Tshifhinga tshothe tshine ha vha hu tshi khou pakiwa khathihi na u dzudzanya vhashumi vha fanela uvha vho ambara magilafu u shavhisa uri vha sa vhaise anea vha uri ovha a sina luvhadzi.
U Vhewa na u Vhibva hao
Maafukhada a Afrika Tshipembe a tuwa nga lwanzheni o takuwa Cape Town atshi khou ya Europe. Lwendo lwa lwanzheni lu dzhia maduvha ane avha uri ndi 14 uya kha 18 zwa sia uri adzhie maduvha a 25 u swika mavhengeleni a Europe. U shavhisa uri asongo tavhanya u vhibva avhewa hune ha vha uri hu khu rothola atshimbidzwa nga zwikwatudzi fhasi ha nyimelo ine ya vha uri iya langea (CA).
U rothola ha hune avha uri o vhewa hone na tshiendedzi, zwiita uri asa tavhanye u vhibva, fhedzi hu fanela u londiwa hu tshi khou shavhisa u vhaisala. Ane atavhanya u vhibva u fana na ma Fuete aya langiwa kha hezwi. Huna u vhaisala ha musi o dzula fhasi ha 5°C zwi ya ita uri a shanduke muvhala wa nga ngomu wa vha girei kana buraweni ha vha na mavhala matsu kha lukanda.
The South African Avocado Growers’ Association (SAAGA) vha tutuwedza murotho une wa vha 6 - 7°C na u dzhena ha muya zwine zwa vha 85 - 95 %. Na mutsho wa 7.5°C kha mitshelo ine ya tavhanya u vhibva.
Uri a tavhanye u vhibva u nga kona u a vhea lwa maduvha, mavili kha mutsho une wa vha 20 - 25°C na 95% yau dzhena ha muya.
Maafukhada ha fanela u vhewa lwa tshifhinga tshilapfu huna zwithu zwa thylene-zwibveledzwa zwine zwa vha zwi tshi khou bveledza zwithu zwine zwa nga miomva, apula kana khavhishi ngauri zwi nga tshinya muvhala wa nga ngomu. Naho zworalo, uri atavhanye u vhibva a hayani zwithusa vhukuma musi u tshi khou apfundisa fhethu huthihi na miomva lwa maduvha kha bammbiri la buraweni.
Translated by Khalirendwe Nekhavhambe