Go bohlokwa go tseba gore diabokado ga di butšwe ge di le mo mohlareng, gomme di swanetše go nopolwa go di thuša go butšwa.
Go Nopolwa Neng Diabokado
Seenywa se swanetše go nopolwa ge di butšwitše mmeleng gomme dienywa di tla butšwa fela morago ga go nopola. Ge di nopolwa di sa le tala, dienywa ga di ka se butšwe gomme fela se tla swaba.
Ka boleng bjo bo maleba bja go ja, diabokado di swanetše go ba le diteng tša oli ka bonnyane diperesente tše 10. Ditsheka-tsheko tša monola di a dirwa pele ga go thoma puno. Ditsheka-tsheko di diriwa go šomišwa didirišwa tše di kgethegilego tše di bitšwago ditsheka-tsheko tša monola di a dirwa goba ka go omiša mohlala mo ontong goba onto ya mmakeroweife.
Puno ya Afokado
Go ya ka kgaolo ya tšweletšo gotee le mohlare - mehuta ya ka pele goba ka morago mo sehleng - puno ya diabokado mo Aforika Borwa e ka thoma ka Dibokwana ka Fuerte gomme e felele ka Diphalane/Dibatsela ka Lamb Hass le Ryan. Mehuta ye meswa e a tlhabololwa le go bjalwa go oketša sehla sa puno ya abokado.
Diabokado di nopolwa ka seatla gomme tsa išwa ka lefelong la phuthelo moo di tlhahlobiwago go bona dikgobalo le dilabe. Di hlaolwa go ya ka bokana e be di hlatšwiwa ka hlatšo ya hlaolo ya thibela mouta. Diabokado di phuthelwa mo gare ga mabokoso, diterei, mekotlana ya lelokwa goba mekotlana a ditšhekase, go ya ka mmaraka.
Mo tshepelong ya go buna, mo tshepedišong ya go kgetha le go phuthela tlhokomelo e a tšewa e sego go hlola tshenyo ya manala le thurugo ya dienywa; badiri ba apare ditlelafo go sireletša seenywa tshenyegong.
Poloko le Go Butšwa ga Diabokado
Diabokado tsa ka Aforika Borwa di romelwa ntle ka dithoto tša lewatle go tšwa ka Motse Kapa go ya ka Yuropa. Leeto la lewatle le le tšeyago magareng ga matšatši a 14 go ya go a 18 le go fihla matšatšing a 25 go fihlelela lebenkeleng ka Yuropa le go fokotša tshepedišo ya go butšwa, diabokado di bolokwa di le tonyananyana le go tsentšhwa ditšhelong tša setšidifatši ka faase ga maemo a laolwago (CA).
Ge poloko e le ye e tonyago le thempheretšha ya dinamelwa, tshepedišo ya go butšwa e ba ya go na nanya, gomme tlhokomelo e swanetše go tšewa go efoga kgobalo ya tonya. Doabokado tša mathomong a sehla bjalo ka Fuerte di mo kotsing ka go kgethega mo polokong ya dithempheretšha tša fase ga 5°C gomme di ka baka tahlego ya mmala ka mo teng ga mmele go ba bosehla goba o botsothwa le dipatso tše diso tša go bopega mo letlalong.
Mokgatlo wa Babjadi ba Diaboka ba Aforika Borwa (SAAGA) o kgothaletša thempheretšha ya 6 - 7°C le bongola bjo itšego ba 85 - 95%. Thempheretšha ya 7.5°C mo seenyweng sa mathomong a sehla ke ye e maleba.
Go tsoša go ba boleta ga seenywa, diabokado di bolokwa letšatši le le tee goba a mabedi ka 20 - 25°C ka bongola bjo bo ka bago.
Diabokado ga di a swanela go bolokwa nako ye telele le dikuno tše di ntšhago ethylene bjalo ka dipanana, diapole goba khabetšhe bjalo ka gase ya ethylene e ka baka tahlego ya mmala mo teng ga mmele. Le ge go le bjalo, go thuša go butšwa ka bjako ka gae, diabokado di ka bewa le dipanana mo mokotleng wo botsothwa matšatši a mmalwa.
Translated by Lawrence Ndou