Kukhokha Kakhulu Lokuncane
Kukhokha kakhulu kwalokuncane kwe Coriander kusuka etinhlavini.
Indlela yeKuhlanyela
Kuhlanyelwa kwe Coriander ngentsengo lenkhulu yebalimi kwenteka kakhulu ngekuhlanyela kucondze. Letinhlavu tihlanyelwa tibengemamilimitha lalishumi kushona phansi. Tinhlavu te coriander tihluma ngekwesizatfu kepha kuyecwayiswa kutsi kulinywe kabili letinhlavu letidzingekako bese kuyakhokhwa umakudzingeka. Loku kwenteka ngekuhlanyela ngemshina noma ngesandla, kushiyane ngelinani lalokukhokhwako.
Sikhala Noma Kuvulwa
Titjalo te Coriander kumele tivuleke kubbe ngemasentimitha lasihlanu ngekushiyana emilayinini lengaba ngemashumi lamatsatfu ngemasentimitha ngetikhala. Loku kuma lokungaba tinkhulungwane letimakhulu lasitfupha nemashumi lasihlanu etitjalo ngelihekitha. Kufakela kanye nekuhlanyela ngetindlela tesigulumba lashiyelwa kunakekela emalungiselelo ekuvuna.
Sikhatsi Sekuhlanyela
Hlanyela tinhlavu te coriander njengoba tinjalo emasimini ngekungena kwentfwasahlobo. eNingizimu Afrika lekukungena kwenyanga Yinyoni ngesikhatsi lentsambo yesitfwatfwa seyitsambile.
Sikhatsi Sekuhluma
Ngemkhicito lomusha we coriander, labanye bakhiciti bacala kuvuna emacembe lamasha kusuka ekucaleni kwemaviki lasitfupha kusuka ekuhlanyelweni.
Manyolo
Ngaphambi kwekuhlanyela, umhlabatsi lomelele umfanekiso wemhlabatsi kumele utsatfwe utfunyelelwe kuyohlolwa. Loku kutochaza inhlobo yemhlabatsi kanye netidzingeko temanutrients kwentela inhlanyelo lefunwako.
Kwentela kukhombisa lokucinile, letintfo letinconywako letilandzelako tingasetjentiswa lapho kungekho khona tinhlolo temhlaba. Intfo lengaba ngu 500 kg yekufakwa kwe 3:1:5 kungasakatwa phindze kufakwe ngetulu kwemasentimitha lalishumi nesihlanu kuya kumashumi lamabili emhlaba phambilini kwekulinywa.
Loku kutonika sitjalo se coriander lesisha kucala lokukahle ekutisunguleni tona. Njengoba icoriander ayidzingi manyolo lomuningi, kukahle kunaka lokukhula bese uyakhetsa umangabe initrogen lekhashane iyadzingeka kutsi yengete kukhula. Linani lelifanako lekufaka manyolo kungenteka ngekunisela ngematfonsi ngemuva kwetinhlavu sekukhulile kanye nekucondza kwesitjalo.
Kunisela
Liningi lalabakhulisa icoriander yentsengo bafaka kunisela ngematfonsi njengoba loku kuyindlela lekahle yekunaka umhlabatsi lomantana lonakekelwako. Lesitjalo se coriander singahamba malula kuya enhlavini umakudzingeka kutsi emanti abesenkingeni ngenca yesomiso. Ngakoke, umangabe le coriander singaphansi kwekuhlanyela kwentela kukhokha emacembe lamasha, yiba nesiciniseko kutsi lesitjalo siniseleka njalonjalo. Unganiseli kakhulu njengoba loko kungabanga sifo etimphandzeni noma emagciwane kumacembe. Kungulapho, ke, kukahle kufaka kwekukala bumanti betintfo kwentela kuchubeka kugadza umhlabatsi.
Kushiyane ngetinhlobo temhlabatsi kanye nesimo selitulu, linani lelikahle lekunisela lisemkhatsini wa 25 na 30 mm ngeliviki lelisakateka ngetulu kwalokufakiwe kabili ngesikhatsi setinyanga tasehlobo letifutfumele kanye nekunciphisa kunisela ngesikhatsi lesipholile noma tinyanga telitulu temnyaka. Yetama kugwema kunisela ucondzise ngaphambi kwekunisela, kepha nisela ngekushesha ngemuva kwekuvuna kwentela kugcina lobumantana lokutfwelwe umangabe ufise kwenta lesitjalo siphindze sikhokhe futsi.
Translated by Phindile Malotana