Phatlalatšo
Phatlalatšo a Khorientere e tšwa go peu.
Mokgwa wa go Bjala
Batšweletši ba bagolo ba kgwebo ba bjala Khorientere ka mokgwa wa go bea peu thwii. Dipeu di bjalwa botebong bjo bo ka bago millimeters tše lesome. Dipeu tša Khorientere di mela gabotse, eupša g kaone go gaša gabedi dipeu tše di nyakegago e be o di lekantšha ge go nyakega. Se se dirwa ka diplantere goba ka diatla, go ya ka bogolo bja mošomo.
Katologanyo
Dibjalo tša Khorientere di swanetše go ba le sekgoba sa go lekana 5 cm ka ntle le ka direi tša 30 cm le. Le ke lefelo la go lekana dibjalo tše 650 000 godimo ga hektare. Ditrekere le ditsela di tlogelelwa ditiro tša taolo le puno.
Nako ya go Bjala
Gaša dipeu tša khorientere peu mo mathomong a seruthwana. Mo Afrika Borwa ka Setemere mola tšhošetšo ya tšhwaane e fokotšegile.
Kgolo
Go tšweletšo ya khorientere e foreše, batšweletši ba bangwe ba thoma go buna matlakala a foreše go dibekeng tše tshela go tšwa go pšalo.
Nontšho
Pele ga pšalo, dišupommu di swanetše go tšewa le go romelwa go sekasekwa. Se se tla tsebiša mohuta wa mmu le dinyakwa tša phepo ya dibjalo tšeo lebeletšwego.
Tlhahli ya godimo e ka šomišwago ka tlhokego ya tlhophollo ya mmu. 500 kg ya kgašo ya 3:1:5 e ka dirišwa le go tsenywa godimo gam mu wa 15 cm le 20 cm pele ga pšalo. Se se tla kgontšha dibjalo tše mpsha tša khorientere go thoma go hloma ka bo tšona. Bjalo ka ge khorientere e sa nyake monontšha wo montši, go kaone go hlokomela kgolo gomme e be o tšea sephetho sa gore naetrotšene e a nyakega go tšwediša kgolo pele. Palo ya go swana ya monontšho e ka dirwa ka mathopo wa nošetšo ya ka morago ga ge dipeu di medile le dibjalo di tšweletše mmung.
Nošetšo
Bontši bja batšweletši ba kgwebo ya khorientere ba lokela mathopo a nošetšo ka ge e le mokgwa wo mokaone wa go lekola monola wa mmu. Sebjalo sa khorientere se ka enya peu ka pela ge se ka dumelelwa kgatelelo goba komelelo. Ka fao, ge e le gore khorientere e ka gare ga tšweletša ya matlakala a go hlweka, o kgonthiše gore dibjalo di a nošetšwa ka tshwanelo. O se se ke wa nošetša go fetiša ka ge se ka hlola malwetši a medu goba dipakteria mo matlakaleng. Ka falo, go kaone go tsenya didirišwa tša taolo ya monola go tšwela pele go hlokomela mmu.
Go ya ka mehuta ya mmu le boso, nošetša ye botse ke palogare ya 25 le 30 mm ka beke e phatlaladitšwe ka digašo tše pedi mo nakong ye borutho ya dikgwedi tša selemo gomme e be o fokotša nošetšo mo nakong ye e fodilego ya dikgwedi tša pula ya ngwaga. Leka go se nošetše pele ga puno eupša o nošetše ka bjako ka morago ga puno go bušetša maemo a monola ge e le gore o nyaka go hlohleletša tšweletšo gape.
Translated by Lebogang Sewela