Kuhlanyelwa kwa anyanisi

Kwentiwa/kuhlanganiswa

Anyanisi uhlanganiswa/ wentiwa kusukela enhlanyelweni, kungaba ngeku khulisa inhlanyelo noma kwenta titfombo bese uyatutfutfukisa nasetikhulile. Kujwayele kutsi kube yimphumelelo kutfutfukisa titfombo ta-anyanisi kuneku hlanyela inhlanyelo. Inhlanyelo ya-anyanisi kufanele ihlanyelwe ngema layini kuze kushaye umoya futsi kutokhona kuhlakuleka. Sikhala sekufaka inhlanyelo kufuna tehlukane ngema centimitsa lalishumi nesihlanu, futsi tigodzi tishone ngelishumi lema (mm) kuya kulishumi nahlanu wema (mm).
Nangabe kuyashisa kufuneka uvale lendzawo lehlanyelwe ngetjani. Uwususe lotjani ngabe loku lokuhlanyelwe sekucala kumila, etinsukwini letisikhombisa kuya kutinsuku letilishumi nakune. Letitfombo ta-anyanisi nase tikhulakhulile ngebudze tilishumi nakubili wema centimitsa kuya kumashumi lamabili, tisuke setikulungele kutsi titfutfukiswe. Anyanisi lokhula kaze lisuku nalilincane ulunga kutfutfukiswa emuva kwemaviki lasitfupha kuya kulasiphohlongo.

Indlela yekuhlanyela

Kutfutfukisa, umgodzi kufanele ushone ngema centimitsa lamabili kuya kulamane, bese ufaka lendzawo ya-anyanisi lemhlophe kuloyo mgodzi. Ungawanciphisi lamacembe. Ugcibe lemphandze wente umhlabatsi ubambe kahle, lemphandze ungayifaki ishobele kakhulu ngoba kutowenta lesigadla sibe sincane phindze sondze. Gcina lomhlabatsi utsambile tinsuku tibe sihlanu, kuze letimphandze ta-anyanisi titojwayela.

Kushiyana

Tihlahla kufuneka tishiyane ngema centimitsa lasiphohlongo kuya kulishumi, emalayini ashiyana ngema centimitsa lalishumi nakubili kuya kumashumi lamabili nesihlanu.

Sikhatsi sekulima

Sikhatsi lesikahle: Inyanga yeNdlovu lencane – Indlovu lenkhulu
Sikhatsi lesinye lokungenteka ulime ngaso: Bhimbidvwane - Mabasa

Sikhatsi sekuhlanyela

Kulima kufuneka kwentiwe ingakapheli Indlovu lenkhulu, kwentelwe kutsi tihlahla titfutfukiswe kuya ensimini ngenyanga yeKhwekhweti nenyanga yeNhlaba.

Sikhatsi sekukhula

Sikhatsi sekukhula sifika emuva kwemakhulu lalishumi nesiphohlongo kuya kumakhulu lamabili nemashumi lamatsatfu kusukela ekuhlanyelweni. Noma likhulu linye kuya kulikhulu nemashumi lamabili wemalanga ngabe kutfutfukiswe titfombo. Kufanele uvune nase emacembe lamanengi sewawele phansi.

Kuvundza

Nakulungiswa umhlabatsi ulungiselwa kuhlanyela kungenteka udzinge iPhosphorus(P). Le super phosphate ifakwa ema ‘kg’ layinkhulungwane ku hecta yinye. Emuva kwemaviki lamatsatfu emuva kwekuhlanyela futsi emuva kwemaviki lasitfupha emuva kwekuhlanyela kufanele uhlanganise iPotassium(K) nitrate (N) ungafakwa likhulu nemashumi lasihlanu kuya kumakhulu lamabili nelishumi lasihlanu ku hecta linye.

Kunisela

Kulinganiselwa kumakhulu lasihlanu wamakhulu lasitfupha kwekunisela lokudzingekako nakasakhula anyanisi. Loku kungaba ngemashumi lamatsatfu nesihlanu kuya kumashumi lamane wema (mm) ngeliviki. Nangabe umhlabatsi ugcwele Isanti kufuneka unisele kakhudlwane futsi ngekulandzelana. Umhlabatsi kufuneka uhlale umanti kahle kuze sikhule sigadla sa-anyanisi. Ungawuniseli anyanisi nasekusele emaviki lamatsatfu kutsi uvune.

Translated by Thandokuhle Motha