Kunakekelwa kwa anyanisi

Kuze anyanisi akhule kahle kufuneka umhlabatsi ungawuvumeli wome, kufuneka uhlale wati kutsi anyanisi akavani nelicabhoti lemanti. Emasimi lapho kwehlela khona, kufuneka ugadze kutsi letihlahla letihlanyelwe ngentasi tingabi secabhotini lemanti, ngoba titoshintja umbala tibetfubi ngemubala. Kufanele uhlakule ngesineke kwentele kutsi ungalimati emacembe noma timphandze.

Kushintja tibhidvo letilinywako

emuva kweminyaka lemitsatfu kuya kulemine kufanele ushintje tihlahla lotilimako kuleyo nsimu, ushintje uhlanyele tihlahla letingafani naleti botihlanyele loku kwentelwa kunciphisa tilwanyakatana letidla tihlahla Kanye netifo.
Indzawo yekulima: Buningi besivuno ku hecta linye
Lesijwayelekile: (lishumi nesihlanu kuya kumashumi lamabili).
Sivuno lesisemkhatsini: emashumi lamabili nesihlanu kuya kumashumi lamatsatfu.
Sivuno lesihle: emashumi lamane.

Kuvuna

Engadzeni lencane anyanisi kufanele avunwe ngabe wonkhe emacembe sekawile. Endzaweni lenkhulu noma lapho kulinyelwa kudayisa, kufanele uvune ngabe hafu walamacembe sekawa. Nase afike kulesi sigaba, ungawayekeli emhlabatsini sikhatsi lesidze. Wavune ngekutsambisa umhlabatsi usebentisa ifologo yekulima. Utsatse anyanisi lowuvunile uwuhlanganise uwufase emacembeni. Uwalengise etulu kuze atowoma. Lapho khona intsamo yalesigadla sa-anyanisi seyome yonkhe, emacembe angajutjwa bese tigadla tibekwa kahle.

Kugcinwa/kubekwa

Lapho khona lo-anyanisi sekomisiwe, wagezwa kahle, kufanelwe ugcinwe endzaweni lepholile, leyomile, naleshaya umoya kahle. Anyanisi kufanele uvutfwe, wome kahle futsi ungalimali kufanele uhlale ugucula sigadla sa-anyanisi kuze wome kahle yonkhe indzawo. Anyanisi longatsi uyabola kufuna uwususe.
Tilwanyakatane: Thrips

Tifo

Downy Mildew, purple blotch, pink root, leaf mould, black mould, soft rot, white bulb rot, basal rot.

Translated by Thandokuhle Motha