Taolô ya Sejalô sa Eiye

Taolô ya sejalô

Go bona kgolô e e siameng, se letle gore mmu o omelele. Fela o dule o itse gore dieiye ga di rate go tamiwa ke metsi. Mo ditshimong tse di mo mokgokolosong, ela tlhoko gore o seke wa letla gore dijalô tse di kwa tlase di tame metsi, ka gore di tlile go fetoga mmala go nna serolwana mme di dule di sa gole. Ntshô ya moferô e tshwanetse go dirwa ka tlhokomelo mo gare ga dijalô ntle le go kgoreletsa medi kgotsa go senya matlhare.

Modikologo wa sejalô

Lenanêô la modikologo wa ngwaga tse tharo go ya go tse nne le dijalô tse di sa tsalaneng le seno o a rotloediwa go fokotsa go agega ga disenyi le malwetse a a dulang mo mmung.

Ntshô-kungô (tonnes ka hectare)

E e lekaneng: 15 go fitlha go 20 tonnes
E e bogareng: 25 go fitlha go 30 tonnes
E e siameng: 40+

Kotulô

Mo tshingwaneng, kotula dieiye fa 100% ya matlhare e setse a ipeile fatshe. Mo dikarolong tse kgolo le ditshimo tsa kgwebo, kotula fa 50% ya sejalô e setse e ipeile fatshe. Fa kgato eno e setse e filheletswe, se tlogele dijalô mo mmung sebaka se se leele. Ntsha dieiye ka go repisa mmu ka foroko kgotsa motšhine wa go kotula. Kgobakanya dijalô, dira dingatana mme o bofelele matlhare mmogo. Di anege go tswa mo marulelong a kamore ya polokelo gore di ome. Fela fa molala wa segwere o setse o omile gotlhelele, matlhare a ka segiwa mme digwere di bolokiwe.

Poloko

Fa dieiye di setse di omisitswe le go phepafadiwa, di boloke mo sebakeng se se omileng se rurufetse ebile se tsenwa ke mowa sentle. Dieiye di tshwanetse go gola sentle, di omile ebile di sa senyega. Retolosa digwere gangwe le gape gore matlhakore otlhe a segwere a bone mowa le lesedi kgapetsa. Di beye ka boalô jo bo sa feteng bokima jwa 10cm mme o ntshe digwere tse di bontshang matshwao a go bola.

Disenyi

Thrips

Malwetse

Phori, sedibô se se phepole, modi o o pinki, mouta wa letlhare, mouta o montsho, go bola ka boleta, go bola ga segwere, go bola ga thitô.

Translated by Nchema Rapoo