Kuhlangahlangana kwe Sifo Semphimbo Ngalokusitaputapu Lokumhlophe

©Dr Jim Robinson
iPorcine Respiratory Disease Complex (PRDC) litemu lelisetjentiswa kuchaza kuhlaseleka kwe mphimbo lokubangwa kuhlangana kwetifo letiningi letehlukene kanye nemagciwane. Ngekusho kwa Danie Visser we Modern Pig Production, lokuhlanggahlangana kuvame kuvela ngesikhatsi tingulube tisemkhatsini wemaviki lalishumi nakune kuya kumashumi lamabili budzala, kepha kungaphindze kuhlasele tingulube letindzala noma letincane kungashiyana ngekufundza ngetifo letikhona.

Timphawu neTindlela

Timphawu kanye nekubakabi kwekugula kungahluka, kushiyane ngetintfo temtimba letiphilako letikhona, kepha ke kufaka lomcondvo wekuva udziniwe, umkhuhlane, ianorexia, kulahlekelwa yinkhapunkhaphu yekudla, kukhula kabi, kungcola lokuphuma emphumulweni nase mehlweni, kukhwehlela phindze nekujika kwelibala libe lukhwebeletane kwesikhumba, ikakhulu ekucaleni kwetindlebe. Kungaphindze kwente umphumela wekufa.

Lokubangako

Timo letinetintfuli, gesi wephoyizini kufana ne ammonia, kungabikho kahle kwetikhala letifaka umoya, kubasemakhateni kakhulu, kwehla nekwenyuka kakhulu kwesimo sekushisa noma kubandza, kutfola bumantana nalesifutfumele, kugcwala kakhulu kanye nekubanetinkinga konkhe kungabanga letingulube kutsi titfole Kuhlangahlanga kweSifo Semphimbo Lokusitaputapu Lesimhlophe.
eNingizimu Afrika, lesimo sihlangene ne Coronavirus, iCircovirus, Porcine Reproductive ne Respiratory Syndrome. Ligciwane, ngekuya kwe Modern Pig Production, lengahle ingenelane ngema Bordetella bronchiseptica, Pasteurella multocida, Haemophilus parasuis, Antinobaccilus pleuropneumniae, Actinobaccillus suis ne Actinoobacillus eguuli, Streptococcus suis ne Mycoplasma hyopneumoniae, leyatiwa ngekutsi yi Enzootic Pneumonia.
Linye lalamagciwane linetinhlobo letehlukene letiningi letihlasela tingulube ngekwehlukana ngendlela yetimphawu, kutimisela kwesifo kanye neminyaka lapho tingulube tiyinkinga khona kutsi kungavela. Kufundvwa kwetifo kungenta kugula lokusemkhatsini ngendlela yato, kepha titimisele kakhulu umakuvela ngaletinye tifundvo tekugula.

Kuvikela

©National Pork Board, USA
Ngenca yekuhlangahlangana indalo yesifo, iModern Pig Production icwayisa bafuyi kutsi batsintsane nabodokotela betilwane kwentela kutsi tivikeleke, kutinaka kanye nendlela yekutelapha. Kucinisa kugadza kungasita ngekuvikela tingulube letiphilako kutsi tingahlangani nalokutfwala tifo, lekungaba noma yini kuletinye tingulube kuya etilwaneni letincane, bantfu, timphahla letisetjentwako.
Tingulube kufuna tisuswe phindze tihlanganiswe kancane ngekushesha futsi tigcinwe ngemacembu eminyaka lelinganako kusuka ekutalweni, noma natifika kulelipulazi, nanoma setihamba kulelipulazi. Ngalokuphele lendlela itosita ekuklineni indzawo yekukhicitela ngaphambi tingulube letinsha tibekwe kiyo.
Kuklinwa kahle kanye nekutiklina kahle kwetintfo tekunatsa, labatiphako kanye nemapani kungavikela kwakheka kwemagciwane/tifo letitfwele tintfo letiphilako noma phoyizini longugesi, kufana ne ammonia. Kanjalo netikhala letikahle, loku kutosita kuciniseka ngemoya locahle losezingeni endzaweni yekukhicitela.
Tingulube kumele tivalelwe esimeni selitulu lesingekho kahle, tingagcwaliswa phindze tiphatfwe kancane ngekushesha kwentela kunciphisa tinkinga.
Imijovo ikhona levikela letinye taletifo, kepha kumcoka kutsintsana nadokotela wetilwane kuze atobona kutsi ngutiphi letibalulekile endzaweni yakho yekukhicitela. Kutimunya tibungu njalonjalo kunganciphisa ingoti yekutselelana lebangwa tibungu letiphila noma letinyakata kumaphaphu.
Lokunye lokuvelako kungalashwa ngemutsi, kushiyanne ngaletintfo letiphilako letikhona. Kuvikela, nomakunjalo, kusala kungumutsi lokahle.

Translated by Phindile Malotana

 lokundlulile