Tekens en Simptome
Simptome en die ernstigheid van ‘n infeksie sal varieer, afhangende van die organismes betrokke, maar sluit tipies in lusteloosheid, koors, anoreksie, verlies aan eetlus, swak groei, neus, en oogafskeidings, hoes, en dikwels ‘n pers verkleuring van die vel, veral die punte van die ore. Dit mag ook skielike dood tot gevolg hê.Oorsake
Stowwerige toestande, giftige gasse soos ammonia, swak ventilasie, blootstelling aan koue, uiterste temperatuurskommelinge, oormatige humiditeit, oorbevolking en stres mag almal by varke die geneigdheid tot PRDC veroorsaak.In Suid-Afrika word die toestand assosieer met die Coronavirus, Circovirus, en Vark Voortplanting, en Asemhalingsindroom. Volgens Modern Pig Production mag bakterieë wat betrokke is, die volgende wees: Bordetella bronchiseptica, Pasteurella multocida, Haemophilus parasuis, Antinobaccilus pleuropneumoniae, Actinobaccillus suis en Actinobaccillus equuli, Streptococcus suis en Mycoplasma hyopneumoniae, ook bekend as Ensoötiese Pneumonie.
Elkeen van die bakterieë het verskeie serotipes wat varke verskillend affekteer in terme van die simptome, ernstigheid van die siekte en ouderdom waarop varke die kwesbaarste is om die siekte op te doen. Die patogene mag ligte siektes op hul eie veroorsaak, maar raak baie gevaarlik as hulle saam met ander patogene voorkom.
Voorkoming
Varke moet so min as moontlik beweeg en vermeng word en verkieslik binne dieselfde ouderdomsgroep gehou word vanaf geboorte of vandat hulle op die plaas aankom totdat hulle die plaas verlaat. So ‘n alles-in, alles-uit sisteem sal help om ‘n produksie-eenheid deeglik skoon te maak voordat nuwe varke daarin geplaas word.
Goeie sanitasie en gereelde skoonmaak van drinkplekke, voerbakke en hokke sal voorkom dat siektedraende organismes of giftige gasse soos ammonia opbou. Tesame met goeie ventilasie, sal dit ook goeie lugkwaliteit in die produksie-area verseker. Varke behoort skuiling te hê teen ongunstige klimaatstoestande, nie oorbeveolk wees nie en so min as moontlik hanteer word om stres te minimaliseer.
Entstowwe is beskikbaar om sommige van hierdie siektes te verhoed, maar dis die beste om ‘n veearts te raadpleeg om vas te stel watter van hulle is die belangrikste in jou produksiearea. Gereelde ontwurming sal die risiko verminder van infeksie wat deur wurms veroorsaak word wat in die longe leef of daardeur beweeg. Sommige uitbrake kan met medisyne behandel word, afhangende van die organismes betrokke. Voorkoming is egter steeds die beste medisyne.
Translated by Elna Van Rhyn