Ubulwelwe i-Porcine Respiratory Disease Complex

©Dr Jim Robinson

I-Porcine Respiratory Disease Complex (PRDC) libizo elisetjenziswa ukutlhadlhula ukungenwa malwelwe emalungeni womzimba wokuphefumula okubangwa yihlanganisela yamabhakutheriya kanye nomulwane. Ngokuya ngokuka-Danie Visser’s Modern Pig Production, lokhu kwenzeka lokha ifarigi ihlangana kwemveke eziyi-14 ukuya kweziyi-20 ubudala, kodwana ingabamba ezidala nanyana ezidala kuzokuya ngokobana kubandakanyeka maphia ama-pathogens.

Amatjhwayo Waso

Amatjhwayo kanye nobungozi bokungenwa bulwelobu kuyahluka, kuya ngokobana zinunwana ziphi ezibandakanyekako, kodwana kubalwa hlangana nokudinwa, umgomani, i-anorexia, ukungathaleli ukudla, ukungakhuli kuhle, ukuphuma amathimila nanyana izinto epumulweni, ukukhohlela kanye nombala ophephuli eskhunjeni, khulukhulu empeteni zendlebe.

Imbangela

Ubujamo obunethuli, imimoya enetjhefu efana ne-ammonia, ukungangeni kuhle komoya, ukungenwa makhaza, ukutjhuguluka kwamazinga womtjhiso, ubuswe obunengi, ukupintjana kanye nokugandeleleka ngokomkhumbulo kungenza bona iimfarigi zibanjwe bulwelwe be-Porcine Respiratory Disease Complex.

eSewula Africa, ubujamobu obuhlobene ne-Coronavirus, Circovirus, Porcine Reproductive kanye ne-Respiratory Syndrome ibhakutheriya, ngokuya ngokwe-Modern Pig Production, thezingabandakanyeka yi-Bordetella bronchiseptica, Pasteurella multocida, Haemophilus parasuis, Antinobaccilus pleuropneumoniae, Actinobaccillus suis and Actinobacillus equuli, Streptococcus suis and Mycoplasma hyopneumoniae, eyaziwa ngokobana yi-Enzootic Pneumonia.
Ibhakutheriya ngalinye linama-serotype ahlukeneko kanengi abamba iimfarigi ngendlela ezahlukahlukeneko, ubungozi bobulwelobu kanye nobudala bemfarigi lapha zitjhwenywa khulu ngibo.

Ukubukhandela

Ngebanga lokobana ubulwelobu bubunengi i-Modern Pig Production iyelelisa bona abafuyi bathinte udorhodere wenlwane ukubukhandela, ukubulawula kanye nehlelo lokubulawula. Iindlela ze-biosecurity zizokurhelebha ukukhandela iimfarigi ezinganabo ekutheni zihlangane nalezo ezinobulwelobu, okungaba ngezinye iimfarigi zibudlulisela kwezinye, abantu izembatho kanye nezinto zokusebenza.
Iimfarigi kufanele zifuduswe nanyana zingahlanganiswa nezinye begodu zibekwe ngokuya ngokobana zinobudala obungangani ukusukela nazibelethwako, nanyana nazifika eplasini, zibe ziyokukhamba eplasini. Lokho kuzokurhelebha bona kuhlwengiswe kuhle iimbaya zazo ngaphambi kokuzibeka kizo.
Ukuhlwengisswa kuhle kwembaya kanyhe nokuhlwengisa lapha zisela khona kuzokukhandela ukwakhela kwenunwana nanyana imimoya efana ne-ammonia edala amalwelwe. Kanye nokungeniswa komoya owaneleko, lokhu kuzokuqiniseka bona umoya omuhle wekhwalithi ehle ungena ngembayeni.
Iimfarigi kufanele zifikelwe ebujameni obumbi bezulu, zingapintjaniswa nanyana zibanjwe khulu okuzokuphungula ukugandeleleka ngokomkhumbulo.
Ukugonywa kwazo kuqakatheke khulu ekukhandeleni amalwelwe, kodwana kuncono ukukhuluma nodorhodere wen lwane akutjengise bona ngimiphi imijovo eqakathekileko ongayisebenzisa emahogwenakho. Ukuhlala ubulala amanyokani kungaphungula ubungozi bokungenwa malwelwe abangwa ngiwo ahlala nanyana akhambakhamba amaphatjhini.
Amanye amalwelwe angalatjhwa ngenhlanhla, okuzokuya ngokobana ngiziphi iinunwana ezibandakanyako. Ukukhandela, sihlahla esihle khulu.

Translated by Busisiwe Prudance Skhosana/ndebele-translator-busisiwe-skhosana.html