Lokukahle, ikakhulu nangabe usesemusha, kutsi ucelel dokotela wetilwane noma lobuke imphilo yetilwane kutsi akusite ngekutfola lolokwenta lokufa, ngekuhlola lomtimba lose ufile noma kutsatsa incenye yengati. Lokuphakama kwentfutfuko ngiko lokwenta kwenteke kuchumana nadokotela wetilwane Kanye nalobuke imphilo yetilwane ngelucingo bese utfumela titfombe letitosita ngalokugula.
Kufa ngekushesha kungentiwa kulimala, kwetfuka, kuhluleka kwenhlitiyo, tinkinga tetimphawu letikhombisa kugula, sifo noma phoyizini.
Kuhluleka kwe Nhlitiyo
Inhlangano Lekhicita Inyama yeNgulube yase Ningizimu Afrika ngekukhicita kwayo ngesandla, Tingulube Tentsengo, ikhomba kutsi kuhluleka kwenhlitiyo njengentfo yinye lekunguyona yenta kufa ngekushesha. Kuhluleka kwenhlitiyo, ngekusho kwendlela yencwadzi, kuvamma kuvela ngenca yenhlitiyo etingulubeni letincane noma sifo senhlitiyo etingulubeni letincane.Tinkinga Tetimphawu Letikhomba Kugula
Tinkinga tetimphawu letikhomba kugula yintfo lesengatini lechwalile lekhokha umphumela etingulubeni letifa ngekushesha ngendzaba yekuhluleka kwenhlitiyo ngoba tingakhhoni kubhekana netinkinga temtimba; njengekutsi uma tihlangene ndzawonye titiningi, ngendzaba yenkinga yenhlitiyo, noma ngesikhatsi tihanjiswa, noma natihlatjwe sikhatsi lesingusona singakafiki. Tilwane letinekukhubateka tivama kukhula kubabete ingati, inyama lelula lenemphumela ekulahlekeni kwemnotfo. Kuvikela lokukhubateka, bafuyi kumele basebentise sitoko sekukhokha letinye letingatfwali lengati yato.Sifo
Tifo tekutselelana letiningi letehlukene Kanye netindlela tingakhombisa kufa ngekushesha, kufaka Letiphucukile noma Umkhuhlane wetiNgulube Kanye nemagciwane naletinye tifo letibanga isepticaemia, sifo semakhata noma umsheko.Kubalulekile kutfola kutsi unasiphi sifo kwentela kubona kutsi lokufa kwentiwe yini Kanye nekuvikela kulahlekelwa lokungahle kute. Incumbi yekutseleleka ngetifo Kanye netindlela kungavikeleka ngekukala kuvikeleka ngemhlaba Kanye nekuhloba, ngekunika tingulube kudla lokuyimphilo Kanye nekukala tinkinga tetilwanne ngekushesha. Imijovo iphilela kuvikela letinye taletifo kepha kumele igcinwe phindze inakekelwe ngendlela lekushiwo ngayo kwentela imiphumela lemihle.
Tsintsana nadokotela wetilwane noma lobuke imphilo yetilwane kwentela kulungisa kuphilisa kwaletifo, lekungahambela ku lokwelapha tifo tonkhe kuya ekushwilaneni kwetingulube letigulako uma kwekwelapha kwato kungakho.
Phoyizini
Tingulube tingafa ngendzaba yaphoyizini, ngenca yekunatsa umutsi kwecele, tidla titjalo tephoyizini noma kukhona lokuyi toxic emantini ato noma ekudleni. Kubona lolokwente lophoyizini bafuyi bayacwayiswa kutsi bafundze kabanti umlandvo wetingulube, ngekubuka kutsi ngutiphi tingulube letitselelekile kanye nekubona lushintjo kundlela ya wonkhe malanga noma ekudlleni kwato noma emantini. Tingulube tingaba, njengekutsi, tife ngenca yekudla luswayi loluningi uma tidla lokunesigaba lesiphakeme se sodium.Lama toxin lalandzelako latfoliwe angahlangana nekufa ngekushesha: sitjalo lesihluma emantini; titjalo letitsite; luswayi, iarsenic; selenium; emalahle ekwakha sikontiyela; icopper; iethylene glycol; emakhemikhali labulala titjalo; I iron dextran; emakhemikhali labulala tilwanyana letitsite, kutsatsa umutsi longasuye; iwarfarin Kanye nemoya we toxin, kufana ne carbon monoxide Kanye ne hydrogen sulphide.
Buta dokotela wetilwane noma lobuke temphilo yetilwane kutsi akusite ngekukubonisa lolokwenta kufa bese uyakususa loko kwentela kuvikela kulahlekelwa lokuningi.
Translated by Phindile Malotana