Khulukhulu nawusathomako, bawa i-technician yenlwane nanyana udorhodere wenlwane bona akurhelebhe ukuthola imbangela uyokufa kwazo, ngokwenza i-autopsy ananyana ngokuthatha isampula yegazi. Ukukhula kwe-digital technology, kwenza bona kurhonakale ukuthinta udorhodere wenlwane nanyana i-technician yezepilo ngomtato bewumthumele iiinthombe ezingarhelebha bona akutjele bona ziphethwe bugulo bani.
Ukuyifela efarigini kungabangwa kulimala kwazo, kufezila kwehliziyo, yi-Porcine Stress Syndrome, kuthukwa, malwelwe kanye netjhefu.
Ukufeyila Kwehliziyo
Ihlangano yabakhiqizi benyama yefarigi itjengise kumanuwali yabo yeihloko esithi-Pigs for Profit ukufeyila kwehliziyo njengenye yembangela zokufa kwemfarigi. Ukufeyila kwehliziyo, ngokuya kwemanuwali le kwenza bona ifarigi ivele izifele. Ukufeyila kwehliziyo, ngokuya kwemanuwali le, kuvamise ukubangwa kungasebenzi kuhle kwehliziyo eemfarigini ezincani nanyana amalwelwe wehliziyo emfarigini ezidala.I-Porcine Stress Syndrome
Ubulwelwe i-Porcine Stress Syndrome bubangwa miraro emasotjeni wefarigi orholela ekutheni ifarigi izifele ibulawe kufeyila kwehliziyo ngebanga lokungarhoni ukujamelana nokugandeleleka komkhumbulo; isibonelo nazipintjene khulu, ziphethe kugandeleleka komkhumbulo okubangwa mtjhiso, nazifuduswako, nanyana ngaphambi kokobana ihlatjwe. Iinlwane ezibanjwe bulwelobu zibamhlophe, zithambe inyamazo yonakale okurholela ekulahlekelweni yinzuzo. Ukukhandela lokhu, abafuyi kufanele basebenzise iimfarigi ezinganayo isotja le.Amalwelwe
Amalwelwe ahlukahlukeneko kanye nobujamo bungarholela ekutheni iimfarigi zivele zizifele, ekubalwa i-Classical mabhakutheriya nomulwane obanga I-septicaemia, acute pneumonia nanyana ukuthulula.Kuqakathekile ukuthola bona zini unobangela walokhu ukhandele bona ungasaragela phambili. Ubunengi bamalwelwe athelelelanako kanze nobujamo bawo zingakhandelwa ngokusebenzisa i-biosecurity ehle ngehlanzeko, nangokuzipha ukudla okunepilo kanye nokuphungula ukugandeleleka ngokomkhumbulo. Ukubugomela kungakhandela amanze amalwelwe enlwanenezo kodwana kufanele ibekwe beziphiwe yona ngokuya ngokulayelwa ukuye yibe nemiphumela encono.
Thinta udorhodere wenlwane nanyana i-technician yazo akuphe iinyeleliso ngentatha yobulwelobu, engasuka ekubeni ma-antibiotics ukufikela ekubulaleni iimfarigi ezigulako nange ipengu ingekho.
Itjhefu
Iimfarigi zingabulawa yitjhefu, ngebanga lokuphiwa ishlahla esinengi, nalokha zidle iintjalo ezinetjhefu nanyana kungene into enetjhefu emanzini nanyana ekudleni kwazo. Ukuthola unobangela wetjhefu, abafuyi bayeleliswa bona bafunde umlando wemfarigi, ngokuqala kobana ngiziphi iimfarigi ezibanjwe bulwelobu nokuqala itjjhuguluko elenziweko ekudleni kwazo nanyana emanzinazo. Iimfarigi, isibonelo, zingafa ngebanga lokobana ziphiwe itjwayi elinengi lokha naziphiwe ukudla okuneleveli ye-sodium ephezulu.Itjhefu elandelako sele kutholwe bona ihlotjaniswa nokuzifela kwemfarigi: i-algae; ezinye iintjalo, ikhopha, ukungaziphi kuhle iihlanhla, imimoya eyingozi, efana ne-carbon monoxide kanye ne-hydrogen sulphide, i-arsenic, warfin, dextran, ethylene glycol, coal tars, amanye amakhambi, kanye netswayi.
Bawa udorhodere wenlwane kanye ne-technician yenlwane kobana ikurhelebhe ukuthola unobangela waso awususe nanyana akhandele ukobana zife.
Translated by Busisiwe Prudance Skhosana