Swikahle swinene, kuvutisa Dokodela ra swifuwo kumbe technician kuva aku pfuna ku lavisisa xivangelo xa rifu, hikuva ku endliwa vulavisisi eka ntsumbu kumbe kuya kambela ngati ya xifuwo xexo. Kuya hi leswi thekinoloji yingati nyika matimba swi olova swinene kuva ukuma switsundzuxo eka Dokodela wa swifuwo hiku tirhisa rinqingho kumbe ku rhumela swifaniso leswinga pfunaka kuva va kambisisa swihoxo.
Rifu roka ringa languteriwangi ringa vangiwa hiku vaviseka, trauma, ku yima ka mbilu, porcine stress syndrome, mavabyi kumbe phoyizeni.
Ku Yima ka Mbilu
Va South African Pork Producers Organisation eka tsalwa ravona ravuhumelerisi, Pigs for Profit, vakombeta swinene hita ku yima ka mbilu tani hi xivangelo nkulu xaku fa swinga languteriwaka. Kuyima ka mbilu, kuya hi tsalwa leri, switala ku endleka hikokwalaho ka swiphiqo swa mbilu eka swingulubyani kumbe mavabyi ya mbilu eka tinguluve letikulu.Porcine Stress Syndrome
Porcine stress syndrome i mavabyi lawa ya tlulelaka kusuka eka vatswari lawa yatisaka rifu roka ringa languteriwangi eka tinguluve laha ti lovaka hikwalaho ka kuyima ka mbilu kumbe kutsandzeka ku kondzelela ntshikelelo wa miri; xikombiso hi loko swifuwo switele ngopfu, ntshikelelo wa kuhisa kumbe wa swofamba, kumbe loko tinga se dlayiwa. Swifuwo leswi khumbekaka hi mavabyi lawa swiva na nhlonge yobasuluka, yivevuka leswi swivangaka eka kulahlekeriwa hi bindzu. Ku sivela leswi, van’wamapurasi vafanele ku fuwa muxaka lowungariki na khombo ra mavabyi lawa.Mavabyi
Mavabyi yo hambana hambana na swiyimo swinga vangela tinguluve ku fa swinga languteriwanga kukatsa Classical kumbe African Swine Fevers nati bacteria na mavabyi lawa ya tlulelaka lawa yavangaka septicaemia, acute pneumonia kumbe nchuluko.Swina nkoka kukuma vukamberi leswaku kuta kota kukumeka xivangelo xa rifu xikan’we naku sivela ku lahlekeriwa lokukulu. Mavabyi yotala lawa ya hlaselaka xikan’we na swiyimo swinga siveriwa hiku basisa na biosecurity ya kahle, ku phamela tinguluve swakudya leswinga lulamela xikan’we naku hunguta ntshikelelo eka swifuwo. Mimirhi yikona kusivela yan’wana ya mavabyi lawa kambe yifanele ku hlayisiwa naku tirhisiwa hindlela leyinga lerisiwa hakona kuva kukumeka mbuyelo wa kahle.
Tihlanganisi na Dokodela wa swiharhi kumbe technician kukuma vutshunguri lebyi ringaneleke bya mavabyi lawa, lebyinga sukelaka eka ti antibiotics kuya fika eka kuherisiwa ka tinguluve loko tinga tshunguriwi.
Phoyizeni
Tinguluve tinga lova hikokwalaho ka phoyizeni, hikokwalaho ka murhi wotala lowu tinga nyikiwa wona, loko tidye ximilani lexingana phoyizeni kumbe kuri na leswi dlayaka eka mati yatona kumbe swakudya. Ku kumisisa xivangelo xa phoyizeni, van’wamapurasi va tsundzuxiwa ku langutisisa matimu ya tinguluve, hiku languta leswaku kungava kuri tinguluve tihi letinga khumbeka xikan’we naku vona ku cinca eka mahanyelo kumbe swakudya swatona kumbe mati. Tinguluve, xikombiso, tinga fa hikokwalaho ka kutatiwa ka munyu loko tidya swakudya leswinga tala munyu.Leswi landzelaka leswi dlayaka swinga fambelanisiwa na rifu roka ringa languteriwanga: algae; swimilani swin’wana; munyu, arsenic; selenium; masalela ya malahla; koporo; ethylene glycol; mirhi ya swimilani; iron dextran; swidlaya switsotswana swinwana, kunga nyikeriwi kahle murhi wotshungula; warfarin na mimoya leyi dlayaka, yotani hi carbon monoxide na hydrogen sulphide.
Burisana na Dokodela wa swifuwo kumbe technician ku kupfuna ku tiva xivangelo nkulu xa rifu kusivela ku lahlekeriwa kukulu.
Translated by Ike Ngobeni