iBroccoli Njengendlela lengiyo
Ligama lesayensi: yi Brassica oleracea
Emagama lajwayelwe: iBroccoli, Italian Broccoli noma iCalabrese Broccoli
Inchazelo yeku Yilima
iBroccoli ikhula njengesibane sesiphohlongo kuya kulishumi nakubili ngemacembe lamphuma saluhlata lakakheka eme njengendishi nalesihloko sembali noma inhloko ye broccoli lekhula iphuma emkhatsini. Lenanhloko ngusona sibhidvo lesinemanutrition ladliwako. Itfwele tinswati temagala lamaningi lahlangene ndzawonye, ngalinye linenhloko yembali bese kanyekanye tenta lenhloko lekunguyona. Emahlanga lalula ebroccoli akwehluka lokunemahlanga, lamadze lancama netinhloko letincane futsi kukhona letinye tinhlobo te broccoli letilinywa kwentela kusetjentiswa emacembe ato.
Kusetjentiswa
Iyadliwa njengesibhidvo, iyatfoswa, iyabiliswa, iyashisiswa futsi ngaletinye tikhatsi idliwa iluhlata kumasaladi. iBroccoli kutsiwa itfwele tigaba letisetulu te folic acid, imagnesium, icalcium ne iron. iBroccoli ine fibre lesetulu futsi netindzawo lekutsiwa tilwa nesifo se cancer lokwenta kusebenta emitimbeni wetfu.
Tidzingo te Mhlabatsi kanye Nemalungiselelo
iBroccoli yenta kale, kumhlabatsi lonelubumba nematje lamancane lanekuphakama etintfweni letakheka kutintfo letiphilako noma leto letihlanganiseke kahle. iBroccoli idzinga umhlaba we pH losemkhatsini wa 6 na 6.8 kanye ne pH lelungisiwe ledzingekako, kwenteka ngalesikhatsi nako. Imihlabatsi ilungiswa ngekuphendvulwa bese kuyalinywa kulokusisindvo lesimakhulu lasitfupha ema mm. kulesisikhatsi noma nguyiphi ilime, manyolo noma umcuba lodzingekako ngaphambi kwekulima ungasetjentwa kulomhlabatsi. Kulima ngelikhuba kungasetjentiswa kwentela kulungiselela kanye nekulinganisa indzawo yangetulu ledzinga kulinywa.
Simo selitulu
iBroccoli inhlanyelo lehlanyelwa kusimo lesipholile bese ihluma kahle uma simo sekushisa sihamba emkhatsini wa 14°C na 20°C. Ayenti kahle kusimo sekushisa lokungetulu kwa 24°C. iBroccoli ikhicitwa kakhulu eNingizimu Afrika ngesikhatsi sasebusika kanye nangentfwasahlobo.
Indzawo lapho Kulinywa khona
iValiant, iAres, iRomanesco, iEarly Pearl, iPharos, iCalabrese, Imagine, iWaltham, iNaxos ne Rapini.
Translated by
Phindile Malotana