Ukuqhazwa Kwesitjalo
I-Broccoli ikhula njengesitjalo esivulekileko esimakari angaba hlangana kwasithandathu ukuya kwalisumi nambili abumbeka inga sikotlelo, ekuphuma kiyo ihloko ilithuthumbo nanyana ihloko ye-broccoli esenta yalo. Ihloko le imurorho onezakhi mzimba edliwako.
Iphethe namagatja amanengi apakeke njengenyanda akheke samoba, enye nenye yawo enehloko enethuthumbo, sele zihlangene zoke zenza ihloko engiyongiyo. Iziqu ezithambileko ze-broccoli, ezine ziqu ezondileko ezineenhloko ezincani begodu kuneminye imihlobo ye-broccoli etjalwa ngehloso yokusebenzela amakari wayo kwaphela.
Ukusetjenziswa Kwayo
Idliwa njengemirorho, kuma-stir fries, ibilisiwe, istinyiwe nanyana ingadliwa ingakaphekwa njengesaladi. Kuthiwa i-Broccoli ngenye yemirorho enezakhi mzimba ezinengi. Inamazinga aphezulu we-vitamin A kanye ne-C. I-Broccoli imumethe ileveli enengi ye-folic acid, magnesium, calcium kanye ne-iron. Imumethe i-fibre yezinga eliphezulu begodu iinethako ezilwisana nekankere emizimbeni yethu.
Iimfuneko Zhlabathi kanye Nokulungiselwa kwayo
I-Broccoli iba yihle endaweni engenwa mamanzi, eyisanda nefakwe ikhompowusti. I-Broccoli itlhoga ihlabathi ene-pH ehlangana kwe-6 kanye ne-6.8 nanyana ngikuphi ukulungiswa okutlhogwa yihlabathi, kwenziwa ngeskhathesi. Ihlabathi ilungiswa ngokobana ipetwe itjhingele ngamamilimitha ayi-600. Ngeskhathesi enyenenye i-lime, umanyoro kanye nekhompowusti etlhogeka ngaphambi kokobana utjale ingafakwa ehlabathini. Kungasetjenziswa i-disc plough ekuselungiseni ileveli yehlabathi engaphambili ezokutjalwa.
Ubujamo Bezulu
I-Broccoli sitjalo esithanda indawo epholileko begodu ikhula kuhle lokha amazinga womtjhiso ahlangana kwe-14°C ukuya ku-20°C. Ayibiyihle lokha amazinga womtjhiso angaphezu kwe-24°C. I-Broccoli ikhiqizwa eSewula Africa ebusika kanye nekuthomeni kwetwasahlobo.
Ama-Cultivars
Yi-Valiant, Ares, Romanesco, Early Pearl, Pharos, Calabrese, Imagine, Waltham, Naxos kanye ne-RapiniTranslated by Busisiwe Skhosana