Leina la tša mahlale: Brassica oleracea
Mina a go tlwaelega: Broccoli, Italian Broccoli or Calabrese Broccoli
Tlhalošo ya sebjalo
Broccoli gola ka go phatlola dilahlwa tša matlakala a 8 go 12 a mmala wo motala wa go ba le bo setlha; ao a dirago sebopego le hlogo ya matšoba goba hlogo ya broccoli e golago ka ntle ga sentara. Hlogo ye, ke phepo ya merogo gomme e a lewa. E na le bontši bja kala ya mahlaka yeo e phuthetšwego mmogo go bopa ye nngwe le ye nngwe le hlogo ya matšoba gomme mmogo di dira hlogo e golo. Hlaka ya broccoli ye bokoa ke mohuta won a lego dihlaka tše sese le dihlogo tše nnyane, e bile go na le mehuta ye mengwe ya broccoli yeo e bjetšwego go no šomiša matlakala a yona.Šomišo
E lewa bjalo ka merogo, ke merogo wa go gadika, wa go bedišwa, ka dinako tše dingwe e ka kewa e sa apeiwa bjalo ka salate. Go thwe Broccoli ke morogo wa phepo. E godimo kudu ka bithamini A le C. Broccoli e na le gape maemo a godimo a esiti ya folic, maknisiamo, kalasiamo le iron. Broccoli a godimo ka tlhale gomme e na le dithoto tšeo di kgonago go lwantšha kankere ka go hlola baemedi mo mebeleng ya rena.Dinyakwa tša Mmu le go Apea
Broccoli e dira gabotse mo mmung wa wa sehlaba, seloko, yo o lego godimo ka ditlabakelo tša dibodi goba tšeo e bego di dirilwe morole. Broccoli go nyaka mmu wa pH wa magareng ga 6 le 6.8 le beakanya ya pH e nyakegago, e dirwa ka nako ye. Mabu o lokišwa ka go butšwiša le ka go lema go fihla botebong bja gare ga 600 mm. Ka nako ye, lime goba morole yo nyakegago, o ka lemelwa mo mmung. Sekotlelopulugu se ka dirišwa le sona go tšwela pele go lokiša le go beakanya lefelo la go bjalwa.Boso
Broccoli ke sebjalo se se ratago boso bjo fodilego, se gola gabotse ge themperetšha e fetoga magareng ga 14 °C le 20 °C. Ga e dire gabotse mo themperetšheng ya ka godimo ga 24 °C. Broccoli e tšweleditšwe mo Afrika Borwa ka marega le mathomong a seruthwana.Mehuta
Valiant, Ares, Romanesco, Early Pearl, Pharos, Calabrese, Imagine, Waltham, Naxos and RapiniTranslated by Lebogang Sewela