Umkhiqizo Wephasi Loke
I-Turkey yinarha ekhiqiza ama-raisin amanengi begodu idosaphambili. Ilandelweyi-USA, ezinye iinarha ezikhiqiza ama-raisin ephasini yi-Sewula Africa, Australia, Chile, Greece, Iran, Uzbekistan kanye ne-Afghanistan.
Umkhiqizo weSewula Africa
Ibubulo leli lavela eduze komlambo i-Orange River esifundeni sange-Northern Cape begodu sele lithuthukile kusukela ekuthomeni kwama-20th century. Ubujamo bezulu obutjhisako, nebomileko endaweni le bulungele kobana kungakhiqizwa amadiribe okwenza bona nebubulo lama-raisin libe khona eduze likhambisane nelamadiribe wetafuleni afretjhi esifundenesi.
Amadiribe avunwa ekuthomeni kanye naphakathi kwebusika bese ayonyiswa alungiswe esifundenesi. Inzuzo ehle etholakala ngokurhweba ngama-raisin emarageni zalapha nezenarha zangaphandle kwenza bona ibubulweli liragele phambili nokukhula. Inarha erhweba neSewula Africa ekulu, lapha bathumela khona ama-raisin se-Europe lapha athengiselwa inarha yange-Germany, Netherlands, United Kingdom kanye ne-France. I-Sewula Africa ithumela ama-raisin enarheni ye-USA kanye ne-Canada.
Indawo Yomkhiqizo
Isifunda esikhiqiza ama-raisin amanengi e-Sewula Africa iseduze kwe-Orange River esifundeni sange-Northern Cape, lapha bakhiqiza khona ama-raisin athengiswa ngenarheni le ayi-90%. Mvanje umkhiqizo wama-raisin uyakhula esifundeni se-Namaqualand.
Ukuwalungisa
Ama-Raisins ngokwesiko onyiswa ngelanga lokha ukuwomisa ngelanga kungabizi, umkhiqizo lo ungenwa zinunwana ezifaka iimilwane ezibuya ebhodulukweni.
Abakhiqizi bomisa amadiribe ngelanga basebenzise umthunzi nanyana bakhiphe amadiribe amanzi ngokusebenzisa umtjhini ngaphasi kwelawulo lobuswe kanye nokulawulwa kwamazinga womtjhiso.
Ngemva kokuwomisa, bawakhetha ngokuhluka kwesayizi yawo basuse nezinye izinto ezingafunekiko. Ama-raisin afakwa i-sulphur dioxide nasele ome ngokupheleleko.
Umsebenzawo
Ama-raisin adliwa njenge-snack nanyana afakwe emasaladini asetjenziselwa ukupheka kanye nokubhaga. Ama-raisin azele imithiya, ama-carbonhydrate, amaminerali afana ne-iron nekhopha. Ama-raisin avamise ukubasudu ngebanga lokobana anamazinga aphasi we-glycemic index, avamise kobana aphakanyiswe njenge-snack ukulawula ukunona emzimbeni.
Translated by Busisiwe Skhosana