ISewula Africa ngenye yenarha ezikhamba phambilI ezikhiqiza ama-avocado begodu ihlezi ebujameni besumi nambili,kodwana ngonyaka ikhiqiza amatani ahlangana kwe-80 00 kanye ne-120 000 ekulinani eliphasi nakumadaniswa nalelo elibuya enarhani ye-Mexico ekhiqiza amatani ayi-1.5 million.
Imbalobalo Zemikhiqizo Yama-Avokhado
Ngonyaka ka-2019 kusukela ngoMhlolanja ukufikela enyangeni ka-Oktoba kubalelwa kobana kuthunyelwe amakhathoni ahlangana kwe-14.5 million wama-4 kg, alinganiswa namatani ayi-58 000. U-Derek Donkin, oyi-CEO yehlangano ye-South African Subtropical Growers' Association (Subtrop) ubalela kobana sekungenani kwakhiqizwa iintjalo ezimatani ayi-110 000 ngonyaka ka-2019. Ekubalwa hlangana lezo ezathengiswa enarheni le, nalezo azathengiselwa iinarha zangaphandle, ngomncopho wokobana kwenziwe i-puree ngazo nanyana amafutha.
Umkhiqizo wakusasa wama-avokhado eSewula Africa ulindwe kobana ukhule ngokungezelela amahekuthara ayi-1000 ukuya kwayi-1500 azokutjalwa qobe nyaka okungasenani iminyaka eyi-5 ezako kusukela enyakeni ka-2019 ukuya phambili. Ama-avocado athunyelwa eenarheni zangaphandle kutlhogeka kobana adlule amakhathoni ayi-20 million, begodu aragele phambili ngokukhulu kwaphela nange ibubulo lawo naliragela phambili nokukhula.
Ubunengi bentjalo ezitja ezisandukutjalwa eSewula Africa, ngeze avokhado eneskhumba esinzima yomhlobo we-Hass. Iintjalo ezitja ze-avokhado enebala elihlaza zitjalwe ngomgcopho wokuthengisela iimaraga eziwatlhoga msinya.
Iripoti eletha lilwazi lemmaraga zama-avokhado – ukukhula kwazo, kanje nokujama kwazo ngonyaka ka-2019 - 2024 kubala kobana sele kungezelelekile ukudliwa kwama-avokhado enarheni ye-China. Ngonyaka ka-2017, i-China ithumele i-22% yama-avokhado kwezinye iinarha ukudlula umnyaka wangaphambi kwalowo. I-China ithumele ama-avokhado eenarheni ze-Chile, Mexico kanye ne-Peru; zoke iinarhezi zontathu sele zirhwebela nenarha ye-China.
Iindawo ezikhiqiza ama-Avocado
Ama-avokhado akhiqizwa eendaweni ezinobuswe, ezi-subtropical zeLimpopo lapha bakhiqiza khona i-59%, eMpumalanga i-33% nakwezinye iincenye zaKwaZulu-Natal lapha bakhiqiza khona i-8%. Ngebanga lokungezeleleka kwetlhogeko ye-avocado unyaka woke eenarheni zangaphandle, nenarheni le, sele kurholele ekutheni kutjalwe eminye imihlobo yama-avokhado kwezinye iimfundo, ezifana ne-Western kanye ne-Eastern Cape.
Ukukhiqizwa Kwama-Avokhado Ephasini Loke
Okungasenani ama-avokhado ayi-76% akhiqizwa e-America, i-11% e-Africa, i-9% e-Asia kanye ne-2% e-Europe kanye ne-South Pacific. I-Mexico ngiyo ekhamba phambi ephasini ngokukhiqiza ama-avocado, nekhiqiza amatani ayi-1.5 Million lapha iphasini loke, likhiqiza amatani ayi-3.2 million kusukela ngonyaka ka-2018.
Iinarha ye-South America, i-Colombia, Brazil, Chile kanye ne-Argentina zikhamba phambili ngokukhiqiza ama-avokhado, i-Peru ikhiqiza i-60% yomthamo we-South America. Iintjalo ze-Colomba zikhulamsinya kunalezo zeSewula Africa, ngebanga lokobana ngonyaka batjala amahekuthara ahlangana kwe-1500 ukuya ku-2 000. I-Colombia sele itjhuguluke yaba yinarha ekhamba phambili ngokuthumela i-avokhado yomhlobo we-Hass kwezinye iinarha ephasini.
Hlangana kwezinye iinarha ezikhiqiza ama-avokhado kubalwa iSewula Africa, ekhiqiza ama-ayi-120 000, kuze i-Kenya ekhiqizwa amatani ayi-80 000 wama-vokhado, lapha inarha ye-Tanzania kanye neZimbabwe ngayinye zikhiqiza amatani ayi-5000 kanye nenarha esathomako I-Mozambique ekhiqiza amatani ayi-1000.
Hlangana kwezinye iinarha ezikhiqiza ama-avokhado kubalwa i-Philippines, Australia, New Zealand, Madagascar, Mauritius, Madeira, the Canary Islands, southern Spain kanye ne-southern France, kanye nenarha ze-Sicily, Crete, Israel kanye ne-Egypt.
Ukuthunyelwa Kwama-Avokhado Kwezinye Iinarha yiSewula Africa
Ma-avokhado weSewula Africa ahlangana kwe-45 kanye ne-50% athunyelwa kwezinye iinarha kanye ne-10-15% ekwenziwa ngayo amafutha kanye nentanga zayo. Asalako athengiswa khona enarheni le.Iinarha lapha iSewula-Africa ithumela khona khulu i-avokhado yinarha ye-Europe khulukhulu e-Netherland, France kanye ne-Spain, nenarha ye-UK kanye ne-Baltic States lapha bathumela khona i-95%. Umthambo omncani wawo uthunyelwa e-Africa, the Middle East kanye ne-Hong Kong.
Amabubulo weSewula Africa kanye norhulumende bakhulumisana nemaraga kobana barhone ukuwathumela eenarheni ezifana neze-Europe, China kanye ne-Japan. Kwanje, kutlhogeka i-phytosanitary kobana barhone ukungena eemaragenezo. Inarha ye-Peru, njengezinye iinarha ze-Sourthen Hemisphere, zibakhiqizi beSewula Africa abaqakatheke khulu, ngomthamo kanye nangeskhathi, ukusabalalisa ama-avokhado eemarageni zeSewula Africa.
Translated by Busisiwe Prudance Skhosana