Umengo sitjalo esidlulanako ngobukhulu kusukela enyakeni wokuthoma ukuya kolandelako. Isimi ehle kanye nendlela zokuwutlhogomela, ezifana nokuwuvundisa, kunganciphisa umehluko wentjalo. Nanyana kunamathuba wokobana ingakhiqiza hlangana kwesivuno esiyi-25% ukuya ku-30% emvunweni ezilandelako.
Iinthelo Zomengo
Iinthelo zomengo zimedwa ngamatani qobe ihekuthara (ekusilinganiso sonyaka nanyana unyaka odlulileko) lokhu kuya ngokobana mdala kangangani umuthi loyo, umhlobo womengo loyo, iinkhundla zemithi emasimini, ukutlhogonyelwa kwayo (okufana nokuyivundisa) kanye namanye amafekutha.
Hlangana kwenthelo zayo ezithela khulu kubalwa i-Keitt ethela lada - ekhiqiza amatani ayi-30 qobe ihekuthara, kanye ne-Tommy Atkins Sensation kanye neJua, zoke zikhiqiza amatani ayi-20 qobe lihekutha kanye ne-Keitt ekhiqiza amatani ayi-15 qobe ihekuthara.
Uvunwa njani Umengo
Iimengo ikhiwa ngezandla, amahlandla amane ngeskhathi sokuvunwa kwawo. Isthelwesi sivunwa lokha nasesithoma ukuvuthwa kodwana sisesehlaza satjani ngombala, ekungakafanele kobana kuhlangahlanganiswe nokobana sivuthiwe. Umengo osele umkhulu ulungele ukuvuthwa, uvuthwa ngemva kokobana ukhiwe ukwenza bona kube neskhathi esaneleko sokuwusabalalisa nokuwutlhogomela.
Ukobana sele uzokuvuthwa kuya ngokobana umbalawo unjani, ukwenza isibonelo, ngokuhlola kobana unombala osarulana na, ngaphasi kwe-Jua kanye nomengo womhlobo we-Sensation. Amanye amafekutha afana nokubumbeka kwawo, ama-lenticel kanye nokuhlukana kwawo magega nesiqu, kungarhelebha ukutjengisa ukobana umhlobo othize womengo sele ukulungele kobana ungavunwa na. Ukobana uhlale uhlola isimu kuqakathekile ukubona bona sele ulungile ukuvunwa na.
Iziqu zomengo zikhipha i-corrosive latex nanyana ibisi elingabanga umonakalo nanyana likutjhise isikhumba. Njeke abanye abakhiqizi basebenzisa i-grid ekhethekileko ukuvumela kobana i-latex ibambe ibiselo, lokha banye bahlanza isthelwesi ngemva kokusivuna, nasihlanza nge-solution ekhethekileko ukukhandela ukobana bangatjhiswa yibiseli.
Isikhathi esibekiweko ezokuyivuna, kulokha isthelo sele sivuthiwe kusukela ngo-09:00 ukuya ngo-15:00 ukuphungula ukugeleza kwebisi kodwana lokhu akurhonakali.
Uwubamba Njani Umengo Ngemva Kokuwuvuna
Iimnengo iyakhethwa esimini, ngokuya ngokobana imhlobo onjani-kusukela ku-class 1 ukuya ku-3, khulukhulu uhlukaniswa kweminye ngebanga lokonakala kweskhumba sawo, okubangelwa zinyoni, kanye namatjhatjhazi abangwa mumoya nanyana kobana mkhulukhulu nanyana mncani khulu. Iinthelwezi zithuunyelwa emabubulweni kwenziwe ngazo ijuzi (iinthelozo ezincani) nanyana zonyise nange zizikhulu.
Umengo oyi-class 1 kanye ne-Class 2 uyakhethwa ufakwe lapha upakwa khona ngokuya ngobukhulu bawo, ukubumbeka kwawo, ukobana uneskhumba esinjani kanye nokobana wonakele njeni bese uyapakwa emakhathonini ayi-2 kg nanyana 4 kg.
I-Anthracnose kanye nokubola kwesiqu kuzizinto ezimbili eziqakathekileko eziba malwelwe avela ngemva kokuvuna kwesthelo somengo begodu ukuzilapha ngamanzi atjhisako i-(HWT) kusetjenziselwa iinzathu zokubulala amagciwani eenthwelweni ezithunyelwa eenarheni zangaphandle. I-HWT ayenziwa eendaweni zoke ze-Sewula Africa, kwezinye iindawo abulwelobu abukandi. Ngeskhathi se-HWT, iinthelo ezihlaza esele zikhulileko, zifakwa imizuzu emihlanu emanzini atjhisiwe ebujameni bomtjhiso obuyi-47°C, iinunwana ezibanga amalwelwe zibulawa ngaphandle kokona iinthelo.
Ukuvuthwa Komengo
Umengo zinthelo ezithanda itlayimedi. Okutjho nona zivuthwa ngemva kokuvunwa. Umengo ungavunwa lokha nasele umkhulu kodwana usaqinile begodu urhona ukujamelana ukulayitjhwa ngenthuthi nokubanjwabanjwa lokha uragela phambili nokuvuthwa. Njengsithelo esithanda itlayimedi, umengo ovuthwako ungalatjhawa ngerhasi ye-ethylene kobana uvuthwe msinya.
Itjhuguluko lomengo ovuthwako kungenzeka ebujameni bomtjhiso obuhlangana kwe-10 ukuya ku-30°C. Umbala wokuthuthuka kwawo muhle lokha nawuku-16°C, lokha umnambitheko wawo uthoma lokha nawungaphasi komjamo womtjhiso oyi-27°C.
Beka umengo ebujameni bomtjhiso bekumba nanyana uwuvuthise ngokobana uwubeke esikhwameni ezenziwe ngebhambiri amalanga amabili. Nange upholisiwe, uzokuvuthwa, nanyana kunjalo, nasele uvuthiwe, umengo ungabekwa esiqandisini nanyana wenziwe irhwabalaza iinyanga ezisithandathu.
Umengo ohlaza ongakavuthwa uyakhiwa kwenziwe ngawo i-atchar-ihlanganisela eentempayisi, edliwa nenyama emakhaza, ama-curry kanye ne-stew, nange kwenziwa ngawo i-pickling kungasetjenziswa osikwe wabadweni nemasaladini, omarineyithwe ngamakhambi kanye nempayisi nanyana owenziwe i-pickle.
Translated by Busisiwe Prudance Skhosana