Amarharinadi athengiselwa iinarha angaphandle apakiwa asaphelele nanyana esesethelo esipheleleko esinobudisi obuyi-(3,8 kg) nanyana i-15 kg. Isthelwesi sipakwa ematreyini anzima sibekwe ngaphakathi kweskhathi se-StePac bese ipakwa emakhathonini.
Ekhethwapha ukusetjenziswa kwesthelwesi esipheleleko, i-arils (ekwenziwa ngayo amasaladi ekudleni kwe-Middle East) amafutha wembewu yerharinadi nanyana ijuzi ezele ama-antioxidaant.
Ukugreyida kwekhwalithi zigreyidiwa ngokobana yi-‘Extra’ (ekhabe ibizwa ngokobana yi-Class I), Class I (egade iyi-Class II), Class III (obunengi bayo bumarharinadi atjhiswe lilanga) efaneleka ukobana kungenziwa ngawo i-arils) kanye ne-‘Class IV’ (yekhwalithi yokwenza ijuzi)
Ukuvuna Amarharinadi
Iinthelo ziphungulwa ngeskero duze kwesthelo ngendlela ekungarhonakala ngayo ukuphungula ukusikeka kweskhumba okwenza bona sonakale. Iinthelo ziyakhethwa zipakwe ematreyini nanyana eemumathini begodu kufanele ziphathwe ngokutlhogomela ukuphungula ukonakala.
Amarharinadi avuthwa ngokuhlukana. Isibonelo, i-Wonderful ivuthwa ngaphakathi kokuthoma. I-isudu, kodwana iskhumba sayo sihlaza. Umhlobo wayo yi-Acco kanye-Angel Red ezivuthwa ngaphadle kokuthoma, iskhumba salo sibomvu, kodwana i-arils ayisisudu. Zwelela iswigiri ngaphambi kokobana uwavune.
Herskovitz are 16º Brix and for Acco 14º Brix (minimum 13º Brix). Ukobana amarharinadi sele avuthiwe azwakala ngokubasudu kanye nombala wawo (weskhumba nentanga), Njengane, ukuuthwa kwawo kuzwaka nge-14º Brix (isilinganiso esiseswigiri) esivunyelwe eSewula Africa zinarha ezirhweba ngalo i-SAPEX. Nanyana kunjalo esilinganiso seswigiri esiphakanyisiweko semihlobo yerharinadi i-Wonderful and Herskovitz are 16º Brix and for Acco 14º Brix (minimum 13º Brix). Ukobana amarharinadi se-Wonderful kanye ne-Herskovitz yi-16º Brix kanye ne-Acco 14º Brix (ubuncani bayo-13º Brix).
Ukubanjwa Kwamarharinadi Ngemva Kokuwavuna
Ihlangano ye-South Africa’s Perishable Products Export Control Board (PPECB) utlhadlhula bona amarharinadi akusizintjalo eziya ngobujamo bezulu. Lokhu kutjho bona akaragele phambili avuthwe ngemva kokuwavuna. Amarharinadi kufanele avunwe nasele avuthwe besu.Iinthelo kufanele zihlanzwe nge-HACCP - i-chlorine nanyana izinto eziqeda iinkowani, zipulwe ngamanzi zikhethwe kubeke ezinamabharasi ngahlanye, ezinenunwana ngahlanye ezibolilko nazo ngahlanye, ezilinganako nezinombala ofanako ngahlanye. Irharinadi kufanele libekwe endaweni emakhaza msinya ngemva kokuvunwa. Emazingeni ayi-6-8ºC ekuzokurhwetja.
Lingabekwa iimveke ezisithandathu emazingeni womtjhiso ajwayelekileko, kufikela enyangeni ezihlanu endaweni elawulwako ngokuya ngehlangano ye-PPECB, amazinga alungileko wokulibeka ngahlanga kwe-3% O2 kanye ne-6% CO2 ku-5ºC.
Ukoniwa makhaza kubanga amakelo kanye nentanga kobana zibenzotho ngombala eskhunjeni. Zenze amatjhatjhaza anzotho eskhunjeni. Iinthelo ezinezinga eliphasi lwesigiri zithanda ukoniwa makhaza. Iswigiri eserharinadini ibanga irharinadi kobana libenzotho beyenze amatjhatjhazi anzima eskhunjeni. Isthelo esineswigiri soniwa msinya makhaza. ‘Iswigiri yenza bona amarharinadi angabilirhwaba, kutjho u-Jorrie Mulder, omyelelisi wezinto ze-technic wehlangano ye-Pomegranate Producers Association of South Africa (POMASA).
Amarharinadi ayazwela lokha kunobuswe begodu ukuphungula ukobana onakale umbala kuphakanyiswa bona kusetjenziswe amatjhwaratjhwara akhethekileko ukuwafaka.
Ukwenza Ijuzi Yerharinadi
Lokha nawukhetha imihlobo yejuzi, qala umbala, ukobana inama-antioxidant angangani kanye nosivuno esihle sejuzi. Isivuno esihle serharinadi sokwenza ijuzi yi-% yejuzi = (ubudisi bejuzi × 100) ÷ ubudisi besthelo sejuzi. E-Sewula Africa, i-Wonderful mhlobo omuhle wokwenza ijuzi.
Amarharinadi kubudisi ukuwakela begodu umhluzi wayo usilaphaza iimpahla. Lokha nawuwasusa iskhumba usekhaya wenza nggawo ijuzi, thoma ngokuwasikelela i-calyx uwasike abezintokana ezintathu. Fake isohel ethnogeny elizele amanzi, Susa iintanga-"arils" ngokuzisonga emiweni yakho. Iintanga zizokuminyela emanzini, kuthi ezibolileko ziye ngaphasi kwamanzi a akelo kanye nentanga ezonakeleko zizokuthaya ngaphezulu. Ijuzi eyenziwa ekhaya yenziwa ngokupresa iintanga ngetjhila lokwenza itjhizi (nanyana itjhila lezitja) nanyana usebenzise i-blender yegezi. Putjuza ususe iintanga bese uyapholisa. Ijuzi ethengiswako yerharinadi iyasefiwa, ngaphambi kokobana ifakwe emabhodleleni.
Amafutha Wembewu Yerhabe
Imbewu ezihlwengisiweko ezimhlophe zimumethe amafutha ayi-18%. Imbewu yerharinadi ibonwa ngokubakhona kwe-of punicic asidi, enama-anti-oxidant kanye nezinto eziqeda ukuvuvuka kwa nama-radicals atjhaphulukileko anciphisa nokuluphala. I-Punicic acid yistjalo semvelo esinama - (hormone wabantu bengubo).Amafutha walo ene-omega-5 essential fatty acid atlhogakalako (eyi-anti-oxidant enamandla) erhelebha ukulungisa amaseli esele itjengise bona irhona ukulungisa amaseli onakeleko ebantwini bengubo abatlhagiswa yi-endometrioses.
Amafutha werharinadi asetjenziswa entweni zokuhlamba begodu angafakwa eskhunjani ukwelapha i-eczema nokuzesa iskhumba esomileko, enza bona iskhumba sibe butjhelelezi.
Amafutha akhitjhwa erharinadini amakhaza (nanyana esalelweni zesthelo ezisala ngemva kokwenza ijuzi) emumethe imbewu.
Translated by Busisiwe Skhosana