Ukuzonjeleziswa Kwaso
Thoma ngokutjala amabhala ngaphambi kokobana utjale i-cauliflower. Landelisa ngeentjalo ezivala ihlabathi uze ngeentjalo zomndeni wetamati.Nange ihlabathi ihlala isetjenziselwa ukukhiqiza umhlobo ofanako weentjalo kungaba mqabango omuhle ukobana usebenzise iimbulali. Qiniseka bona ihlabathi ifakwe ikhompowusti.Isivuno (qobe-hectare)
Ukusitlhogomela : 12 yamatani
Esilingeneko: 18 yamatani
Esihle: 25 yamatani
Ukuvuna
Ukuvuna kwe-cauliflower kwenziwa ngezandla kusetjenziswa isikero esibukhali ekuvunwa ngaso iinhloko ze-cauliflower ngokuzikera esiqwini eduze kwehlabathi ekubalwa namanye wamakari asizombelezileko navikela ihlokwaso. Kunemitjhini erhelebha ukusivuna isitjalo se-caulifower lokha nasizokupakwa. Ngombana i-cauliflower ikhiwa ngokukhethwa, iinhloko zayo ziyazwela njeke lokho kwenziwa ngezandla begodu isengakabi khona imitjhini erhona ukukha ngokuyikhetha kuhle.Njengombana i-technology iya ngokuphuquka, kunamaqhinga asele enziwa wokulinga ukwenza imitjhini erhona ukukha ngokukhetha ngokuhlakanipha i-cauliflower. Gadesi, ukukhiwa kwayo kusatlhoga abasebenzi abanengi, begodu kuyabiza. Eenkhathini ezimbalwa kuyatlhogeka bona ubuyele emasimini uyoyitjala njeke lokha iintjalo nazifanako zizokujamela amaphensendi aphezulu wesivuno esijamele iintjalo zokuthoma.
Ngemva kokuyivuna, susa i-cauliflower uyibeke endaweni epholileko. Bamba iinhloko zayo ngokutjheja ngombana nazingalimala kungarholela ekutheni zibe namabala begodu zibole okuzokwenza bona umkhiqizwakho ungasathengiseki.
Ukubekwa Kwaso
Lokha nawuyibekako isikhathi esifitjhani endaweni epholileko, amazinga womtjhiso walapho uyibeke khona kufanele abe hlangana kwe-2°C kanye kwe-4°C nobuswe obungaba yi-95% kuya phezulu ngaphambi kokuyithengisa. Nakunetlhogakalo yokobana ubeke umkhiqizo isikhathi eside esingafikelela enyangeni yinye, ngeskhatheso kufanele abe hlangana kwe-0.5°C ukuya ku-2°C kanye nobuswe obuyi-95% ukuya phezulu.Iinunwana
Aphids, Army worm, Cabbage worm, Diamondback moth, Loopers, Nematodes, Thrips kanye ne-white fly.Amalwelwe
Alternaria, bacterial leaf spot, Black rot, Clubroot, Downey Mildew, Phytophthora, Verticillium kanye ne-Wire stem.Kumbono omuhle ukuthola iinluleko begodu wenze iprogramu enqophileko yokuzivikela ongayithola mthengisi wamakhemikhali wangekhenu kanye ne-extension officer yangekhenu.
Translated by Busisiwe Skhosana