Ku Cinca Cinca Swimilani
Byala ti legumes loko unga se byala cauliflower. Kutani u byala swimilani swo engetelela leswingata landzeriwa hi swibyariwa swa ndyangu wa matamatisi. Loko kuriku misava yitala kutirhisiwa himinkarhi ku humelerisa tinxaka leti fanaka ta swibyariwa, swivula leswaku u fanele ku hunguta khombo hiku tisa minongonoko ya nsirhelelo wa swimilani naswona swa hlohleteriwa swinene leswaku misava yi fafazeriwa. Tiyisisa leswaku misava yi fuwile hi compost.Mbuyelo (tonnes hi hectare)
Wa ntolovelo: 12 tonnes
Wale xikarhi: 18 tonnes
Wa kahle: 25 tonnes
Ntshovelo
Ntshovelo wa cauliflower wutala ku endliwa hi mavoko hiku tirhisa mukwana wokariha swinene kutshovela nhloko hiku tsema tshindi rakona laha henhla ka misava kukatsa na matluka lawa yanga rhandzela leswaku yata sirhelela nhloko kumbe curd. Kuna michini leyi pfunetaka kutshovela hikuva yiteka cauliflower kusuka ensin’wini kuya laha yingata pakeriwa kona.Tani hileswi ku tshovela cauliflower swi hlawuriwaka swinene naswona tinhloko ta kona tinyenyelaka leswi swiendliwa hi voko naswona aku se van a muchini lowu kotaka ku endla “smart pick”. Tani hileswi thekinoloji yi antswisiwaka, kuna ku antswisiwa lokunga ku nedliweni kuva ku akiwa muchini wa smart picking. Sweswi, hambiswiritano, lowu i ntirho lowu tirhisaka ngopfu naswona wa durha swinene. Minkarhi yintsongo yina nkoka ku tlhelela emasinwini kuya tshovela, swi endla leswaku swinga durhi ngopfu eka n’wamapurasi.
Leswi swivula leswaku, loko ku byariwe swimilani leswi ringananaka, swita endla leswaku ku tshoveriwa hinkarhi wun’we. Loko ku tshoveriwile, susa cauliflower kuya yiveka eka ndzhawu leyinga hola leswaku yitaya lulamisiwa naku hlayisiwa. Tiyisisa leswaku tinhloko kumbe ti curds tikhomiwe kahle hikuva leswi swinga endla leswaku kuva naku bola leswingata endla leswaku matsavu lawa yangaha xaviseki.
Nhlayiso
Loko ku hlayisiwa cauliflower kuringana nkarhi wokoma yilava ku vekiwa endzhutini laha kunga hola, mahiselo yafanele kuva exikarhi ka 2°C na 4°C laha kungana moya wa relative humidity leyinga eka 95% (kumbe e henhla) loko yinga se yisiwa e makete. Loko kuri na swilaveko swaleswaku matsavu lawa ya hlayisiwa kuringana nkarhi woleha kuringana nhweti yin’we, kutani leswi swifanela kuva eka +0.5°C kuya eka 2°C naswona eka 95% kumbe relative humidity yale henhla.Switsotswani
Aphids, Army worm, Cabbage worm, Diamondback moth, Loopers, Nematodes, Thrips na white fly.Mavabyi
Alternaria, bacterial leaf spot, Black rot, Clubroot, Downey Mildew, Phytophthora, Verticillium na Wire stem.Switshama swiri kahle kukuma kukuma switsundzuxo naku endla nongonoko waku sirhelela swibyariwa lowu nyikiweke hi mutsundzuxi wa tikhemikhali na extension officer wale kusuhi.Translated by Ike Ngobeni