Ukutlhogonyelwa kwe-Sweet Corn

© Eric Miller
Mielie garden in Schmitsdrift, Northern Cape. Subsistence farming watering the plants

Ukuzonjeleziswa Kwestjalo

Ukuzonjeleziswa kweentjalo kuhlala kusisenzo esihle ongasilandela ngombana kuphungula ukwakheka kwezinye iinunwana. Ezinye iintjalo zizonjeleziswa ne-sweet corn kubalwa hlangana amazambani, amabhontjisi, imirorho emakari, ikoroyi kanye ne-alfalfa.
Isivuno (qobe-hectare)
Ukutlhogonyelwa: 10 yamatani
Esilingeneko: 15 yamatani
Esihle: 25 yamatani+

Isivuno

©Louise Brodie
Ukuvunwa kwe-sweet corn kwenziwa lokha imirhorhotjhi ingakakhuli kuhle ngombana isphila esinengi sithengiswa ngehloso yokobana sidliwe sifretjhi. Lokhu kuhlangana neemveke ezilithoba ukuya kwezilisumi nane ngemva kokusitjala okuya ngokobana mhlobo muphi wesphila okhethiweko kanye nokobana ubujamo bezulu gade bunjani lokha nasitjalwako, ngombana lokha ubujamo bezulu bumakhaza kwenza bona isphila sikhule buthaka.
Ukuvuna kwaso kufanele kwenziwe lokha isphila sikhipha umhluzi ongathi usabisi okubizwa bona yi-milky stage ngeskhuwa. Hlola isphila ngesandla ngokusebenzisa imino ukurhutjhula isphila ukobana uhlole bona umhluzi unjani nangabe unombala omamanzi isphila asikalungeli ukungavunwa. Uboya besphila obuphezulu buzabe sele butjhugulule umbala baba nzotho ngombala. Kuqakathekile ukuvuna ngesikhathi esilungileko ngombana nawungavuna sele sidlulile iskhathi lapha uthi nawuputjuza isphila sikhiphe amanzi anga libisi, isphila sithoma ukoma, silobe ukunambitheka kwaso okusudu.
Ukuvuna kwenziwa ngesandla emaplodini amancani, kuvunwe ngomtjhini lapha sitjalwe khona ngobunengi ngehloso yokusithengisa.

Ukubekwa Kwaso

Kuncono ukusipholisa, usikhambise bewusithengise msinya ngemva kokusivuna. Amazinga wokusibeka esiqandisini amahle ngahlangana kwe-0°Ckuya ku-2°C lapha kunobuswe obuyi- 95%+. Nange sibekwe emazingeni womtjhiso la, i-sweet corn ingabekwa amalanga alikhomba ukuya kwalisumi ngaphandle kokuloba ikhwalithi. Ngemva kwalokho isphila siloba ukunambitheka kwaso kanye neswigiri lokha nasibekwe emazingeni womtjhiso aphezulu siloba ikhwalithi yaso begodu singasadleki.

Iinunwana

Bollworm, Aphids, Nematodes, Stalk Borers, Spider mite, Cutworms kanye nama-leaf hoppers ngezinye zeenunwana ezijwayelekileko.

Amalwelwe

Ajwayelekileko okufanele uwatjheje yi-Leaf Blight, Streak virus, Rust, Ear kanye ne-Stalk rot, kanye ne-Grey Leaf Spot.
Ukuthola isiyeleliso esihle sokulawula iinunwana kuqakathekile bona uhlale uhlola iintjalo zakho uthole nokululekwa ngusiyazi, nanyana i-extension officer kanye nokuvikelwa kweentjalo okuvela kumyelelisi wangekhenu wamakhemikhali.

Translated by Busisiwe Skhosana

 o kudlulileko