Ukutjalwa Kwayo
Itjalwa ngembewu.Indlela Yokutjala
Abanye abatjali bayitjala ngokobana bafake imbewu phasi, kodwana abakhiqizi bayo abanengi bayitjala ngokobana batjale imbewu e-nursery kuthi ngemva kweenyanga ezilisumi, batjale ama-plantjies aqinileko kwaphela. Yenza iforo ekulu ebumbeke njengo–V amalilimitha yi-200 ukuya phasi endaweni yokutjala, utjale imbewu eemforweni uvale ngehlabathi emalimitha ayi-50. Nasele imbewu ibambe ihlabathi nesitjalo sele sivelile, vala ngehlabathi eseleko ukuqiniseka bona umqhele waso uvalwe yihlabathi emamilimitha ayi-150mm.Iinkhala
Iintjalo kufanele bana zihlukaniswe ngeenkhala ezimasenthimitha ayi-20 kuya-30 emareyini ayi-150 yamasenthimitha ukuya ku-200. Lezi ziintjalo ezingaba hlangana kwe-20 000 kuya ku-30 000-i-hectare ngayinye.Isikhathi Sokuvuna
Imbewu ye-asparagus ingatjalwa lokha nasele kuyokuphela ihlobo nangamva kweenyanga ezilisumi ngemva kokobana ama-plantjies wakho sele alungele ukutjalwa ngaphandle.Isikhathi Sokutjala
Imbewu ye-asparagus ingatjalwa ekuthomeni kwetwasahlobo ukuya kwehlobo. Ukusukela ngoRhoboyi ukuya ekupheleni kwaka NOVEMBER eSewula Africa.Isikhathi Sokuyikhulisa
Isitjalo se-Asparagus singatjalwa kuze kufike umnyaka eyi-15. Ilungelwa ukuvunwa lokha nasele ikhiphe imikhonto yayo kusukela ngoSewula ukuya ngoNtaka. Nekupheleni kwesiruthwana ukuya ekuthomeni kwesilimela.Ukuyivundisa
Kufanele kuhlolwe ihlabathi mantanzi ngaphambi kokutjala ukuqiniseka bona ihlabathi inazo zoke iimfuneko zokondleka. Nangabe ihlabathi ine-acid enengi, kufanele kufakwe i-lime okungasenani ngaphambi inyanga ngaphambi kokobana kutjalwe. Ngaphambi kokobana faka umanyoro weenkukhu ongaba yi-1000 yamakhilogramu womvango we-NPK 2:3:2 ehlabathini engaphezulu.Ngembva kokobana ihlabathi sele inzinzile, sele kubonakala umkhonto wokuthoma we-aparagus, faka i-800 kg ku-hectare yinye ye-2:3:4. Ngemva kokobana imikhonto yokuthoma yesitjalwesi sele ivuniwe, kungafakwa enye i-nitrogen, ngendlela yokufaka i-150 kg i-hectare ngayinye ye-LAN ingarhatjhwa emareyini weentjalo. Kufakwe godu ngemva kweemveke ezisithandathu zokuvuna i-150kg ye-LAN ku-hectare.
Ukuthelelela
Faka i-25 kuya ku-30 mm yamanzi wokuthelelela ngeveke ize imirabhu itlameke kuhle ngemva kwalokho ungathelelela ngemva kwamalanga ayi-14 kuze kuyokufika eiskhathi sokuvuna. Nangabe liyana ukuthelelela kungaqitjhiswa lokha nakunesomiso esikhulu nanyana kunbujamo bezulu obunobuswe obuphasi amazinga wokuthelelela angakhutjhukiswa.Qiniseka bona utlhogomela ubuswe behlabathi ngokusebenzisa i-neutron probe, tension meters nanyana ngezandla ngokusebenzisa igarafu nanyana i-augar.Translated by Busisiwe Skhosana