Go Bjala Asparagus

Phatlalatšo

Phatlalatšo e tšwa go peu

Mokgwa Wa Go Bjala

Go bjala dipeu tša asparagus go ka dirwa eupša go kaone go bjala dipeu mo tšhemong ka morago dikgwedi tše ka bago tše lesome ka morago o bjale dipeu tše tiilego fela. Thala kanele ya sebopego sa V e ka bago 200 mm ka go teba mo lefelong la go bjala e be o bjala dibjalo tše nanana (goba crowns tše bafsa) ka mo mokerong e be o apeša godimo ka 50 mm. Ge dibjalwana tša nanana di dutše gabotse le crowns tša dibjalo di bopegile e be, sebjalo se gola, apeša ka mašaledi a mmu wa godimo go netefatša gore Crown e beilwe mmu wo ka bago 150 mm.

Katologanyo

Dibjalo di swanetše go ba le sekgoba sa go tšwa diripana tše ka bago 30 cm le 20. Ye ke magareng ga 20 000 le 30 000 godimo ga hektare.

Nako Ya Go Bjala

O bjale dipeu go ya mafelelong a selemo; go ya mathomong a lehlabula mme morago ga dikgwedi tše lesome dipeu gago goba crowns di tla ba di lokile go tšwa.

Nako Ya Go Gola

Dibjalo tša Asparagus di kgona go dula sebeka sa go lekana mengwaga ye 15. Nako ya go gola ge spears di tšweletšwa le go bunwa go tloga ka Oktoboro go ya go Matšhe. Mafelelong a seruthwane go ya mathomong a lehlabula.

Nontšho

Pele ga pšalo, tlhophollo ya mmu e swanetše go dirwa go tseba dinyakwa tša phepo. Ge Mabu o na le esiti kudu, ka fao o swanetše go dirišwa lime o e lema mo mmung ka kgwedi pele ga pšalo. Pele ga go bjalwa o tšhele manyoro a dikgogo goba dikilogramo tše 1000 tša motswako wa NPK 2:3:2 o ka lengwa godimo ga mmu wa 400 mm.
Ka morago ga ge dibjalo di dutše gabotse gomm dika tša spears di a bonala, o tšhele gape 800kg godimo ga hektare ya 2:3:4. Ge spears tša mathomo di bunnwe o tšhele naetrotšene ka 150 kg godimo ya hektare ya LAN e ka fetetša mogare ga direi tša dibjalo. Tšhašo ya mafeleo ya dikilogramo tše 150 ya LAN godimo ga hektare yona e ka fiwa dibeke tše di selelago morago ga puno.

Nošetšo

O nošetše go lekana 25 go fihla ka 30 mm ka beke go fihla medu a hlomiwa gabotse gomme ka morago ga fao o oketša go nošetša ka beke yengwe le yengwe ya matšatši a 14 ka nako ya puno. Ge pula e ka na o ka fokotša go nošetša gomme ge go fiša kudu le ka komelelo goba gona ge go na le boso bja monolo o ka oketša go nošetša. Le ge e ka ba e le tsela ye nngwe; o netefatša gore o lekola monola le ge e ka ba ka neutron probe, metara wa kgagamalo goba ka mokgwa wa go diriša garafo goba augur.

Translated by Lebogang Sewela