I-Buckwheat - Fagopyrum esculentum Moench (Fagopyrum esculentum), nanyana i-nch sitjalo esinamaprotheyini amanengi esithuthumbako, sitjalelwa ukusetjenziselwa imbewu yaso, kusukela esikhathini sakade. Ithandwa khulu enarheni ye-China, Russsia kanye ne-Europe esepumalanga, amasiko wokudla we-Europe, i-buckwheat ayikahlobani namabele, kodwana ngesinye isikhathi, ibonwa njengethoro nanyana ingasibo utjani.
I-Buckwheat engine I-gluten, ilea ilea Nangana iphekwa ibe mratha, isilwa ibe yiflowura nanyana isetjenziselwe ukugayela. Amakari we-buckwheat kwenziwa ngawo itiye.
Itjalwa Njani I-Buckwheat
Isitjalo esinembewu encani, esinemirabhu efeyini, i-buckwheat ithanda kobana itjalwe emibhedeni efeyini neqinileko ekhipha kuhle ihlabathi begodu irhona ukujamelana nemihlobohlobo yehlabathi. Iba yihle khulu emazingeni aphasi we-nitrogen, ehlabathini eyisanda elula, ene asidi kancani, kanye ne-pH ehlangana nendawo. Nanyana kunjalo, nayitjalwe ehlabathini engakavundi.
Iyazwela emazingeni aphezulu wethempereyitjha kanye nembetheni, ukuyitjala kuthoma ngemva kokobana kuphele umbethe, kodwana ngaphambi kokobana ihlobo lingene.
Ubuswe buyatlhogeka lokha nayithuthumbako - ngemva kwemveke ezine ukuya kwezihlanu itjaliwe. Imimoya eyomileko, nezulu eliphezulu kanye nesomiso nayitjaliweko kungarholela ekubeni istjalwesi sife.
I-Buckwheat etjale kuhle, irhona ukuphalisana nekhula, begodu akukavami kobana ibe nemiraro yenunwana kanye namalwelwe.
I-Buckwheat ikhula ngemva kwemveke ezilisumu ukuya kwezilisumi nambili. Ikhula ngendlela engakajwayeleki, begodu ingaphezulu lestjalo lithuthumba lokha, ingaphasi laso sele likhiqiza imbewu. Ukuyivuna kuthatha isikhathi, begodu kufanelee bona kwenziw lokha imbewayo sele ivuthwe nge-75%. Ikhiqiza iintjalo eziyi-1100 ukuya ku-1600 kg/ha.
I-Buckwheat akukavami bona ifakwe eprogremini yokudlheganisa kwentjalo, ngebanga lokobana isebenzisa amaminerali khulu, khulukhulu i-phosphorus. Lokhu kufanele kutjhejwe lokha nakuvundiswa iintjalo ezilandelako.
Njengesitjalo esifuna umanyoro ohlaza, i-buckwheat iletha inzuzo, ngebanga lokobana ikhiqiza inani elinengi le-dry matter.
I-Buckwheat Kusistimu Yokutjala
I-Buckwheat akukavami kobana ifakwe kuprogramu yokudlheganisa kwentjalo, ngebanga lokobana isebenzisa amaminerali khulu. Khulukhulu i-phosphorus, lokhu kufanele kutjhejwe lokha nakuvundiswa iintjalo ezilandelako.
U-Dr Hans Kendal, oyi-agronomist e-North Dakota State University, upha isiyeleliso sokobana i-buckwheat ingatjalwa ngemva kokobana kutjalwe i-canola, mustard nanyana i-sunflower. Utlhadlhula kobana kungebanga lokobana kusele iintjalo ezizinikeleko ezizinsalela ekungarhonakali bona zingalawuleka lokha nakutjalwe i-buckwheat.
Njengesitjalo esifuna umanyoro ohlaza, i-buckwheat ikhiqiza i-dry matter enengi, begodu enarheni ye-USA, i-buckwheat iyigugu ngebanga lokobana ikhula msinya.
I-Buckwheat Kanye Nenyosi
I-Buckwheat ithuthumba isikhathi eside begodu irherha imihlobohlobo yenunwana, kungasikwaphela lezo zebhawuloji ezikhona eplasini, kodwana nenyosi. I-Buckwheat nanyana inamazinga aphasi wamaprotheyini (ayi-11%) ikhiqiza i-nectar begodu isitjalo esihle senyosi.
Kuphakanyiswa kobana ingatjalwa emahekuthareni ayi-2.5.
Translated by Busisiwe Prudance Skhosana