I-Sewula Africa ikhiqiza ikhwalithi ekhamba phambili, kodwana ayikhiqizi i-olive oil enengi, ukobana yanelise iintlhogeko zalapha. Nanyana kunjalo iSewula Africa irhona ukuthumela i-olive oil, khulukhu eenarheni ze-Africa ezifana ne-Namibia, (amatani ayi-300) kanye ne-Botswana (amatani ayi-200), kodwana amatani ayi-50 asiwa e-UK0 kutjho imbalobalo zangonyaka-(2017).
Iindawo Ezikhiqiza i-Olive Oil
Ngokuya ngokweripoti ka-Hortgro, kutjalwa amahekuthara we-olives ayi-2 849 eSewula Africa. Lokhu kwenze bona kube nokungezeleleka kwentjalo nge-110% eminyakeni edlula elisumi kusukela ngonyaka ka-2008 lokha kutjalwe amahekuthara ayi-1 3 57 kwaphela.
Ukukhula okukhulu eentjalweni kwenzeke ku-district yeKapa, lapho iintjalo ezitja sele zingezelelele nge-640%-ukusukela emahekuthareni ayi-56 ngonyaka ka-2012 ukuya ngamahekuthara ayi-414 ngonyaka ka-2018.
Umkhiqizo we-olive oil eSewula Africa ugcile esifundeni se-Western Cape lapha uyi-93% khona, lokha ezinye iimfunda, ngaphandle kwesifunda saKwaZulu-Natal, uhlangana kwe-1% kanye ne-3% esifundeni ngesinye emkhiqizweni weSewula Africa we-olive oil uphelele.
Ngonyaka ka-2018, kube nabatjali be-olive abadlula abayi-170 abatlolisiweko eSewula Africa. Pheze incenye yabo gade balima emahekuthareni angaphasi kwalihlanu. Nanyana kunjalo abatjali bawo egade batjala amanengi gade batjala emahekuthareni angaphezu kwayi-50 ngamunye.Abakhiqizaba bakhiqiza, i-44% yentjalo zeSewula Africa.
Iimvuno ze-olive eSewula Africa zenzeka hlangana kwakaMrhayili kanye noMgwengweni. Amafutha aputjuzwa hlangana kwenyanga kaRhoboyi kanye neyakaSinyikhaba isivuno se-Olive oil efretjhi naso sikhona.
Umkhiqizo Wephasi we-Olive Oil
Iinarha ezibakhiqizi bakhulu be-olive oil zizombeleze i-Mediterranean begodu zise-Middle East. Hlangana kwenarha ezilisumi kubalwaSpain, Italy, Greece, Turkey, Syria, Tunisia, Morocco Algeria kanye ne-Portugal.
Umkhiqizo we-olive oil ephasini loke kubalelwa kobana unciphe nge-5.5 % ukuya ku-3.130 yamatani ayi-Million ngonyaka ka-2018/19, ngokuya kwe-International Olive Council (IOC). Iinarha umkhiqizo wazo onciphe khulu ngamaphesendi adlula ayi-50 gade kuyi-Tunisia kanye ne-Argentina. Ezinye iinarha umkhiqizo wazo onciphe khulu yi-Greece nge-35%, kanye ne-Turkey nge- 30%. I-Italy, ibe nobujamo bezulu obone imithi edlula eyi-25 million, ekwarholela ekobaneni umkhiqizo wabo unciphe nge-38%. Ngaphandle kwalokho, i-iTaly, isise yinarha ekhiqizakoo yesibili ekhama phambili ngokukhiqiza i-olive oil ngemva kwe-Spain.
Inarha ekhambaphambili ngokusa i-olive oil kwezinye iinarha yi-USA, ethuthela i-olive oil ehlangana kwe-35% kanye ne-40% yomkhiqizo wephasini kwezinye iinarha, kodwana inarhabo abantu bakhona abayisebenzisi khulu umuntu ngomunye usebenzisa i-1.3 yamalitha kwaphela ngonyaka.
I-Olive Oil Engeniswa Enarheni le
Ngokuya ngokwe mbalobalo ze-Hortgro, iSewula Africa ithumele amatani ayi-6 900 we-olive oil ngonyaka ka-2017. Amaphesendi ayi-70 gade kungewe-Spain ayi-19 kungewe-Italy. I-olive oil ebuya e-Argentina kubonakala inga iyangezeleleka kusukela ngonyaka ka-2015, kodwana yenza i-25 ye-olive oil epheleleko engeniswa enarheni yeSewula Africa.
Translated by Busisiwe Skhosana