Iindawo Ezivundileko
Umlambo i-Orange River ngiwo wodwa umthombo wamanzi eRichtersveld begodu usekela imihlobo eminengi yamanzi, Hlangana kwemfesi ezilapho kubalwa i-yellow fish, sharptoo catfish (barbel), sardine, banded bream kanye ne-endemic Namaqua barb. Ifesi yomhlobo we-Cape clawless otter iyabonakala nayo emlanjeni, we Alexander Bay kanye nama-Seal weKapa (kwanjesi esele ibizwa bona yi-South African fur seal) etholakala etlhagwini.
Indawo ye-Orange River mouth (nanyana i-estuary) ngenye yendawo ezivunde khulu esfundenesi. Isekela imihlobo eminengi yenyoni-ezifikela ku-10 000, ezijamele imihlobo eyi-60. Ekubalwa hlangana ama-flamingo (amanengi wawo abonakala azulazula emanzini) hlangana neminye imihlobo yenyonezi kubalwa i-Cape cormorants, chestnut-banded plovers, Egyptian geese, Cape teal, Great white pelican, South African shelduck kanye ne-African sacred ibis. Kunemihlobo eyi-14 etlolwe elistini yenlwane ezisengozini yokuphela ye-IUCN. Ekubalwa hlangana i-Damara tern, African purple swamphen, Barlow’s lark kanye ne-Cape long-billed lark.
Umlambo i-Orange River kumenyezelwe bona yi-Ramsar wetland eqakatheke khulu. Ngebhadi, indawo le sele yoniwe khulu kumayinwa okwenziwa eduze kwayo, begodu abatlhogomemli bemvelo ababuboni ubudisobu ngebanga lendawo ekiyo eseduze kwemayini yedayimani endaweni ye-Alexander Bay. Njeke sithokoza bona, abaphathimthetho abahlukahlukeneko be-Namibia kanye nebeSewula Africa balinga ukuyivusa indawo leyo bayibisele esigeni egade ingaso ngaphambi kokobana yoniwe.
Translated by Busisiwe Skhosana