Indima Eqakathekileko
Inunwana zidlala indima eqakathekileko ebhodulukweni leRichterveld ngombana zikukudla kwenlwane ezinengi ezikulu, begodu zipholuneyitha iintjalo ezinengi. Njeke iinunwana zibazinengi ukudlula iinlwane ezikulu. Njengezinye iinlwane ezihlala lapho, iinunwana sele zize nendlela ezinengi zokuphila ebhodulukweni eliyirhalawumba.
Hlangana nendlela eziphila ngayo kubalwa: imizimba evalwe ngorhomo onamathelako obamba amanzi, amakhemikhali akhethekileko akhiqiza ubuswe ngaphakathi, kanye nendlela yendabuko ezirhona ukuzifihla ngayo zingabonakali ematjeni iinunwanezi. Ezinye iintjhotjhwani kuthiwa zirhona ukuzivala ngehlabathi zitjhingele phasi kwehlabathi nge-20 meters lapha zithola khona amanzi. Ezinye iinunwana ezondileko ziphila ngokobana zihlale emathuthumbeni athize enzelwe kobana zikhambisane nazo.
Isiqubuthu Senunwana
Kunemihlobo emithathu yenqubuthu zenunwana: lezo ezidla iintjalo kanye nanyana i-nectar, lezo ezidla ezinye iinunwana kanye nalezo ezidla iincephu eziphephulwe mumoya. Ipholunatjhini yenziwa zinyosi, kanye nabonodonvu abathutha ipholeni (imihlobo yabonodovu abathutha ipholeni epumalanga yeSewula Africa minengi khulu). Hlangana kwezinye iinunwana kubalwa: i-milkweed, iintethe, ama- tortoise beetles, blister beetles, monkey beetles, mouldy beetles, amakrigi, iintethe zotjani, iintethe zematjeni, abomakapazembe, abotjhongololo, ama-centipedes, cicadas, iimpukani kanye nezinye iinunwana.
Amaviyaviyani Kanye Nenunwana
Kunemihlobo engakajwayeleki yamaviyaviyani etholakala lapho, ekubalwa hlangana i-Namaqua Arrowhead, eziphuma emndenini we-Boland Tholly, i-the Warrior ekuyiviyaviyani anamatjhatjhazi asiliva, kanye ne-Roseate Emperor Ekuyiviyaviyani ephapha emini. I-SilverFish (eyaziwa ngefishmonths) ikhona eRichterveld begodu isifundesi siyikhaya lemihlobo eminengi yenunwanezi ephasini, ekubalwa nenunwana ezitholwa endaweni le kwaphela. Ama-Silverfish zinlwane ezincani ezikarisako, ezizihluba iskhumba, zimile amapepha, zivela sele zikhulile emaqandenazo, begodu zidosa ubuswe ngesdunu – ekuli qhinga elihle nawuqabanga ngalo. I-fishmoth ejwayelekileko le edla izembatho zakho akusingeyendabuko yalapha eSewula Africa.
U-Bogeymen
Inunwana i-Arachnid, engu-bogeymen onenyawo ezibunane wephasi lenunwani, uzele khulu eRichtersveld. Hlangana nazo kubalwa iinswebu ezibizwa bona ma-trapdoor, spoor spider, Sicarius spiders kanye neswebu esinetjhefu khulu esibizwa bona yi-black button spider nanyana i-sun spider nanyana i-Romans (ekubalwa imihlobo emine etholakala endaweni yeRichtersveld kwaphela). Imindeni emihlanu yamaphephenu iyatholakala endaweni le, ekubalwa iphephenu ehlala ehlabathini, ezihlala ematjeni, kanye nalezo ezinemisila edege (eminye imihlobo yazo ngilezo eziyitjhefu khulu). Njeke nange ukhempe endaweni le, ungalibali ukuhlola amanyathelo wakho ekuseni.
Translated by Busisiwe Skhosana