Izinya Ezimakari
Kunemihlono eminengi ye-vygies eNamaqualand kanye neRichtersveld, eletha i-biodiversity enengi esfundenesi. Ngaphandle kokobana atholakala endaweni le yoke, athome ukubonakala emarekhodini wefosili kungasikade eminyakeni eyi-12000 eyadlulako.
Nanyana kunjalo lokho kubangwa kukobana ibhoduluko lerholomba alirhoni ukwenza ifosili yentjalo.
I-vyggies zintjalo ezimumethe amaseli emakarini wazo. Amathuthumbo wazo ayaphazima, begodu anamaphethali amanengi. Enzelwe ukurherha iinunwana eziwapholinethiyako.
Amathuthumbo ama-masembs kwesinye isikhathi abizwa amathuthumbo wemini ngebanga lokobana avamise ukuvula amathuthumbo wawo lokha ilanga nalikhanya bha. Amakarawo akadliwa begodu akadliwa nangani yifuyo edla emangweni nanyana zinunwana.
Intaba yeRosyntjieberg eRichtersveld National Park imumethe imihlobo eminengi ye-vygie.
Sithanda Ukudla Amakhandlela Kanye Nebhodoro
i- Botterboom (Tylecodon paniculatus): ekutlhadlula bona umuthi owenziwe ngebhodoro mumuthi osguntswana onesiqu esidege. Utholakala encenyeni ezinengi zemphakathini weRichtersveld, eRichtersveld National Park.
Istjalo i-Ghaap (Hoodia Gordonii): sele isetjenziswe babathwa kanye nama-Khoikhoi ukuqeda iphango nanyana indlala iminyaka engaphezu kwemakhulu.
Inthako zestjalwesi sele zihlukaniswe yi-South African Council for Scientific and Industrial Research (CSIR). Esele kuyikampani enelayisensi yenhlanhla ezithengisa amapilisi wokudayetha.
Ngonyaka ka-2002, i-(CSIR) yaphetha iinkulumiswano nabajameli babathwa begodu kwanjesi sele bababhadela ama-royalty ku-Trust ebizwa bona yi-San Hoodia Benefit Sharing Trust yelwazi lendabuko elarholela ekwenziweni kwamapele la. Imali iya eskhwameni esivusa umphakathi wabathwa eSewula Africa.
I-Bushman’s Candle (Sarcocaulon patersonii). Istjalwesi sinebharasi elidege elikhandela istjalwesi enwuruwurirwini zesanda. Ibharasa litjha msinya, lokha ikhipha intuthu enengi, okupha istjalwesi ibizo laso.
Itjhwayo le-Richtersveld
Istjalo i-halfmen (Pachydodium namaquanum) istjalo esithathwa iinthombe khulu esilitjhwayo le-Richtersveld. Istjalo i-Richtersveld sinesiqu esikhulu esisengozini yokuphela, istjalwesi esinamakari phezulu ehlokweni kanye namagatja asuka esiqwini esiphakathi.
Ihloko yestjalwesi elalamela isiqu esiphakathi. Ihloko yestjalwesi ihlale iqale epumalanga, isenzo saswesi sitlhadlhulwa yikutana yakade.
Iminyaka eminengi eyadlulako gade kunestjhaba esithanda ukulwa esihlala epumalanga. Ngelinye ilanga nabasalwako babaqotha enarheni yabo babaqothela ngale komlambo weOrange River, baya eRichtersveld.
Lapha, uNkulunkulu wabatjhugulula wabenza iinlwane ezingakajwayeleki, incenye yomzimba wayo into le yabamumuntu, enye yabastjalo. Iinyawo zestjalwesi zabamrabhu, istjhabesi sasala singanabuyo begodu kuze kubenamhlanjesi sisajame eRichtersveld, begodu sihlale siqale epumalanga nekukulapho gade bahlala khona.
Yindaba emnandi, kodwana kuhlehle, iqiniso elikarisi njalo. Amakari esehlokweni yestjalwesi limthombo waso wamandla, adosa amanzi kanye namandla abuya elangeni. Ngikho umuthi lo uqala ipumalanga wenzelela bona uthole ilanga kuhle.
Ukhula ufike ku-5 m ngobude, iintjalo ezibizwa ama-halfmens lezi, zikhula ebusika lokha nazikhipha amathuthumbo ekhake njengebhorompita azele i-nectar. Ehlobo, liwisa amakaraso lithembele ibharisini elidege ukuze izivikele elangeni elitjhisako.
Ibharaseli livikela istjalwesi eenlwaneni ezidla emadlelweni begodu lirhelebha ekubutheleleni amanzi wezulu kanye nobuswe ku-malmokkies. Istjalo i-halfmen sitjalo esitholakala eRichtersveld kwaphela begodu siyatlhogeka.
Kutlhogakala bona ngivume bona lokha nangikweriyileko, ngabhalelwa kuthola ngitjho nasinye. Nanyana kunjalo, ngezinye zentjalo ezidume khulu esfundenesi. Ishlobo saso esiseduze naso yi-(P. lamerei) etholakala e-Madascar.
Translated by Busisiwe Skhosana