Succulents na Vygies/Mesembs tale Richtersveld

Leafy Bladders

©David Fleminger

Kuna tinxaka totala ta ti vygies e Namaqualand nale Richtersveld, leswi hoxaka xandla swinene eka biodiversity ya ndzhawu liya. Hambi leswi tikumekaka hinkwako, tisungule kuvonaka eka ntsariso wati fossil kwalomu ka 12000 wa malembe lawa yanga hundza. Hambiswiritano, leswi swingava kuri hikuva tindzhawu ta mananga tingari kahle eka ku endliwa ka ti fossils ta swimilani.
Ti Vygies titlhumil, laha tingana ti bladder cells tohlawuleka letikumekaka eka matluka ya kona. Mabilomu yakona yavangama, yo hatima na swipetlu swotala swa mabilomu. Mabilomu lawa ya kokaka rinoko swinene ya ‘inflorescence’ ya endleriwe leswaku yita koka rinoko ra switsotswana leswi pfunetaka leswaku mabilomu ya tswala mihandzu. Mesembs minkarhi yin’wana tivuriwa ‘midday flowers’ hikuva mabilomu lawa yapfuleka loko dyambu ritlhavile swinene. Matluka yakona aya nandzihi naswona yatala kuva yanga dyiwi hi swiharhi kumbe switsotswana. Ntshava ya Rosyntjieberg Mountain e Richtersveld National Park yina nhlayo yale henhla ya tinxaka ta vygie.

Ku Navela ka Swakudya swa Makhandlela na Botere

©Jaques Marais

Botterboom (Tylecodon paniculatus): Leyi hlamuseriwaka tani hi ‘butter tree’, lexi i xinsinyani lexinga bumbula xitlhela xikoma na tshindi ro bumbula. Xikumeka eka swiphemu swotala swale Richtersveld Community Conservancy nale ntangeni wa Richtersveld National Park.
Ghaap (Hoodia Gordonii): Hoodia ayi tirhisiwa tani hi lexi sivelaka kunavela swakudya eka vanhu va ma-Bushmen na ma-Khoikhoi kuringana madzanadzana wa malembe. Swilo leswi akaka ximilani lexi swihlawuriwile hiva South African Council for Scientific and Industrial Research (CSIR). Leswi sweswi swinga nghenisiwa e nawini wakuva switirhisiwa hiti khamphani to endla mapilisi kuva tiyi xavisa tani hi pilisi leyi endlaka leswaku vanhu va hunguta miri wa vona. Hi 2002, CSIR yihetisisile mbhurisano na vayimeri va ma-Bushman naswona sweswi vahakela ntsengo wokarhi eka San Hoodia Benefit Sharing Trust hikokwalaho ka vutivi lebyinga endla leswaku kuva na kutumbuluxiwa ka pilisi leyi. Mali yi tirhisiwa eka kutlakusiwa ka vutomi bya vaaki va San etikweni hinkwaro ra Afrika Dzonga.
Bushman’s Candle (Sarcocaulon patersonii). Lexi i ximilani lexinga bumbula, mahanti yotiyela kuva xisirheleleka eka mimoya ya matimba ya sandi. Mahanti yakona yatshwa hiku olova, hambi leswi yanga tala musi, leswinga endla leswaku xiva na vito leri ra ntolovela.

Xivumbeko lexi Yimelaka Richtersveld

©Shem Compion

Halfmens (Pachydodium namaquanum) i ximilani lexi tekiwaka ngopfu swifaniso lexinga hundzuka xivumbeko lexi yimelaka Richtersveld. Tshindi rikulu, kumbe nsinya wotlhuma, lowu welaka eka swimilani leswinga enghozini swinene wa halfmens (leswivulaka kuva xiphemu xa munhu) i ximilani lexi fanaka swinene na cactus xiva na matluka e henhla ka nhloko xikan’we na ku khomelela eka xiphemu lexinga eka tshindi rale xikarhi. Nhloko ya ximilani lexi yitshama yi govekele eka tlhelo rale n’walungwini naswona leswi swihlamuseriwa kahle hi vanhu vakhale. Malembe yotala lawa yanga hundza, akuri na rixaka leri ari tshama ri hlohletela nyimpi leri ari tshama e nwalungwini. Siku rin’wana, hinkarhi wa nyimpi, vasusiwile endzhawini yavona vatsutsumiseriwa etlhelo lerin’wana ra nambu wa Orange River, kuya e Richtersveld. Laha, Xikwembu xiva cince kuva swivumbiwa swohlamarisa; xiphemu xin’wana kuva munhu, xin’wana kuva ximilani.
Laha milenge yinga dzimiwa e hansi tani hi timintsu, rixaka leri se ari kayakaya naswona ku fikela namuntlha, swimilani leswi swahari kona e Richtersveld, switshama swilangute e n’walungwini laha kunga tlhelo leri rixaka leri aritshama kona. Lexi i xitori xa kahle swinene, kambe ntiyiso wa swimilani leswi awu ehleketeki. Matluka yakona ya waxy rosette enhlokweni ya ximilani lexi hiwona lawa yangana matimba, ya tswonga mati na matimba ya dyambu. Leswi hiswona swiendlaka leswaku xivoyamela e n’walungwini leswaku xita kuma kahle miseve ya dyambu.
Xikula kufika eka 5 m hiku leha, ximilani xa halfmens xikula himinkarhi ya xixika, loko xihumesa mabilomu lawa yangana xivumbeko xa porompita lawa yanga tala nectar. Hi ximumu, xiwisa matluka kutani xi tshembela eka nhlonge yobumbula ya mimitwa leyi yinga xisirhelela eka kutshwa hi dyambu. Mimitwa yixisirhelela eka kudyiwa hi swifuwo naswona yipfuna eka kuhlengeleta mati ya mpfula na ndzhongho kusuka eka malmokkies. Ti halfmens tikumeka e Richtersveld naswona ta kala swinene. Ndzi nga tiyisisa leswaku loko ndzi vhakile eka ndzhawu liya, andzi kotangi ku vona na xin’we ximilani lexi. Hambi swiritano, hixin’wana xa swimilani leswinga duma endzhawini liya. I xaka lerikulu ra (P. lamerei) lexi kumekaka ntsena e Madagascar.

Translated by Ike Ngobeni