Buhle Betimbali tase Richtersveld

Letinemacembe Lamakhulu/Lamanyenti

©David Fleminger

Tinyenti tinhlobo tetimbali eNamaqualand kanye naseRichtersveld, nato tifaka sandla kulokuhlukana kwalendzawo. Ticala kuvela eminyakeni lengu12000 lendlulile.
Loko kungentiwa kutsi tindzawo tase hlandzeni, atisiko kahle ekumileni kwetihlahla.
Timbale tinhle, emacembe akhona eme ngendlela lenhle lengakajwayeleki. Netimbali takhona tichakazile.
Ngendlela letime ngayo, tentelwe kukhanga tinyosi naletinye tilwanyana. Leti timbale ngalesinye sikhatsi tibitwa ngekutsi yi Midday flowers, ngoba tijwayele kuvula timbale tato lilanga naliphumile.
Emacembe akhona akadliwa imfuyo noma tilwanyana.

Kulambela Emakhandlela noma Ibhatsa

©Jaques Marais

iBottemboom (Tylecodon paniculants): lelinye ligama lakhona ibutter tree, lesi sihlahla lesikhulu kepha lesifishane. Sitfolakala etindzaweni letinyenti emphakatsini wase Richtersveld nasendzaweni yekugcebeleka eRichtersveld.
Ghaap (Hoodia Gordonii): iHoodia isebentiswa njengentfo lesitako kutsi ufune kudla, isebentiswa kakhulu bantfu lababitwa ngekutsi maBushmen kanye nema khoikhoi. Lokwakhiwa kwalesihlahla akukhulunywa yi South African Council for Scientific and Industrial Research (CSIR). Nyalo lesihlahla sisebentiswa kwacha emaphilisi ebantfu labafuna kwehla emtimbeni.
Likhandlela lebantfu bemphakatsi wema Bushman (Sarcocaulon patersonii). Lesihlahla lesi sinemtimba locinile kutivikela kumoya locinile wasendle.

Intfo Lemelele iRichtersveld

©Shem Compion

iHalfmens lechazako (Pachydodium namaquanum) sihlahla lesitfwebulwa kakhulu, lesimelele iRichtersveld. Umtimba lomkhulu wesihlahla lomuhle noma sihlahla lesihle, ema Halfmens lasengotini, sihlahla lesimila emacembe laya etulu.
Eminyakeni leminyenti lendlulile, bekunemphakatsi lobohlala ngenhla. Ngalelinye lilanga kuliwa, bacoswa endzaweni yabo kusuka Emfuleni wase Orange River kuya eRichtersveld. Lapho Nkulunkulu wabashintja wabenta titfombe letingakajwayeleki. Tinyawo tabo tiphansi njengetimphandze, lomphakatsi solo wahlala lapho kute kube kulamuhla.
Indzaba lemnadzi lena, kepha liciniso laletimbali lihlukile kuloku. Lamacembe alesihlahla lacinile kulapho khona lesihlahla sitfola khona emandla, advonsa emanti kanye nemandla elilanga.
Tikhula tibe tindze tifike ku 5m, letihlahla letibitwa ngekutsi ngema halfmens tikhula kakhulu ebusika. Ehlobo, sehlisa emacembe. Emanyeva avikela lesihlahla kutsi singadliwa tilwane, nekutsi sibambe emanti emvula.
Lesihlahla lokutsiwa yiHalfmens asikajwayeleki eRichtersveld. Kufanele ngivume kutsi ngesikhatsi sami ngivakashile lana, angibonanga ngisho sinye. Kepha ke sikhona sona, siphindze sitfolwe eMadagascar.

Translated by Thandokuhle Motha