Tilwanyana taseRichtersveld
Kudlala Indzima Lemcoka
Letilwanyana tidlala indzima lemcoka emphilweni yetilwane taseRichtersveld, ngoba letinye tilwane tiphila ngato letilwanyana. Njengoba kuhlale kunjalo, tilwanyana ngito letinyenti kulena ndzawo. Njengaletinye tilwane, letilwanyana setinendlela yekuphila kulena ndzawo leyomile.
Leti tindlela tekuphila tifaka ekhatsi: umtimba wato wakheke ngendlela yekutsi uyakhona kubamba emanti, kunemitsi kuto lokhona kukhipha emanti ngekhatsi kuto. Nendlela yemdzabu lekhona kutenta tikhone kufana nematje kulendzawo. Letinye tilwanyana tatiwa ngekutsi tiyakhona kutigubhela ngephansi kwemhlabatsi wesanti kufika ku 20metres, kute titame kutfola emanti.
Tinhlobo Tetilwanyana
Tinyenti tinhlobo tetilwanyana: letidla tihlahla, letidla letinye tilwanyana kanye naleto letigijimisa lokubolile lokupheshulwe ngumoya. Kwenta timbale tikhule kwentiwa tinyosi kakhulu, njenge carpenter bees, bee flies nePollen wasps (ema pollen wasps latfolakala eWestern encenyeni yase Ningizimu Afrika, ikuletinye letihamba embili emhlabeni wonkhe). Letinye tilwanyana tifaka ekhatsi, iMilkweed, locusts, tortoise beetles, blister beetles, monkey beetles, mouldy beetles, crickets, ground grasshoppers, stone grasshoppers, praying mantids, millipedes, centipedes, cicadas nalokunye lokunyenti.
Emavivane Nemabhungane
Kukhona emavivane langakajwayeleki latfolakala kulena ndzawo, lafaka ekhatsi iNamaqua arrowhead, emaBoland Tholly, warrior silver kanye neRoseate emperor. Ema Silverfish nawo akhona endzaweni yaseRichtersveld. Silverfish, yakhiwe ngalenye indlela, sikhumba sakhona siyaphuma futsi sikhulisa intfo lecinile. Yintfo lenhle lena nawuyicabanga kahle. Lamabhungane labitwa ngekutsi ngema Fishmoth, (ngiwo lawa ladla timphahla takho) ichamuka ngaphandle kwaseNingizimu Afrika.
iBogeymen
iArachnids, ibogeymen lenetinyawo letingu 8 tikhona futsi tigcwele eRichtersveld. Loku kufaka ekhatsi trapdoor spider, buk spoor spider, siarius spiders, blak button spider lesiyingoti kakhulu. Kunabofecela futsi, loku kufaka ekhatsi ground scorpions, rock scorpions kanye ne thick-tailed scorpions (letinyenti taleti, tiyingoti kakhulu eNingizimu Afrika). Loku kusho kutsi nawuvakashele lena ndzawo, ungakhohlwa kuhlola ticatfulo takho ekuseni ungakatichoki.
Translated by
Thandokuhle Motha
