Ditshenekegi tsa Richtersveld
Seabe se se Botlhokwa
Ditshenekegi di tshameka karolo e e botlhokwa mo thulaganyong ya felo-tshedisanong ya Richtersveld ka ge di na le seabe mo phepong ya ditshedi tse di gololwane, mme gape di rwele maikarabelo a go dulafatsa dimela di le di ntsi. Jaaka ele setlwaedi, ditshenekegi ke bontsi jwa diphologolo, mmogo le bontsi jwa ditshidi. Fela jaaka diphologolo tse dingwe tse di dulang fano, ditshenekegi di iponetse ditsela di le mmalwa tsa go atlega mo tikologong ya sekaka.
Mekgwa eno ya phalolo e akaretsa: letlalo le eketeng mafura a a gatsetseng le le apesang mmele, tsamaiso tse di kgethegileng tsa khemikhale tse di tlhagisang monyô wa ka mo gare, le mekgwa e e botlhale ya kgakantshi e e di thusang go ka iphitlha mo matlapeng. Ditshidi dingwe tsa motlhwa di itswe gape ka go ikepela mo boteng jo bo fitlhang go 20 meters ka fa tlase ga mmu go batlana le metsi. Ditshidi di le mmalwa tsa mo tikologong di fetofetogile go bapa mmogo le dimela tsa mo tikologong mme di godile go ‘tshwanelana’ le malomo ano.
Ditlhopha tsa Ditshenekegi
Go na le ditlhopha di le mmalwa tsa ditshenekegi: Difepi-kgolo (tse di jang dimela le/kgotsa matute), difepi-rago (tse di jang difepi-kgolo) le difepi tsa matlakala (tse di tabogelang manathwana a ditlhokakhabone tse di phepheulwang ke phefo). Tulafatso gantsi e dirwa ke dinotshi (dinotshi tsa carpenter ka go itshupa), bee-fly le mofu wa modula (palo ya mofuta wa mefu ya modula o o kwa karolong e e kwa bophirima ya borwa jwa Afrika ke nngwe ya tse di kwa godimo thata mo lefatsheng). Mefuta e mengwe ya ditshenekegi e akaretsa: tsie ya moethimola, dikhukhwane tsa tortoise, blister, monkey le mouldy, dinyetse, tsie ya mo mmung, tsie ya mo matlapeng, mmaseletswana, sebokolodi, mositaphala, cicada, dintsi jalo le jalo.
Dirurubele le Dikhukhwana
Mefuta ele mmalwa ya dirurubele tse di sa tshwaneng le yona e a bonwa fano, go akaretsa Namaqua Arrowhead, eleng setswa-mofuteng sa Boland Tholly, serurubele sa Warrior Copper se se dikôlôkôlô tsa mmala wa selefera le sa Roseate Emperor (se tota eleng motutwane o o fofang motshegare). Silverfish (e e itsagaleng gape jaaka mmôtô) le yona e teng mo Richtersveld mme kgaolo eno ke legae la bontsi jo bo farologaneng jwa dikhukhwana tseno mo lefatsheng, go akaretsa mefuta ele mentsi e e tlhologileng fano.
Silverfish ke ditshidinyana tse di kgatlhisang: di tsamaya bosigo, di tleboga letlalo, di tswa makwapa, ga di na legato la bokhwena kgotsa la boseboko (ka jalo di tlhagelela di bopegile ka bojotlhe gotswa mo maeng a tsona) mme di monyela metsi ka dikgeleswa tse di mo moteteng - selo se se matlhajana fa o akanya ka sona. Kgabagare, mmôtô o o tlwaelegileng (o o jang diaparo tsa gago) ga o tlholege mo Afrika Borwa
Ditshosi
Ditshenekegikotorobedi, ditshosi tsa maoto ale marobedi tsa lefatshe la ditshenekegi, e emetswe sentle mo Richtersveld. Tseno di akaretsa segokgo sa trapdoor, sa buck spoor, sa Sicarius, le se se botlhole thata se se ntsho le segokgo sa letsatsi kgotsa Roman (go akeretsa mefuta ya sona ele 4 e e tlholegang mo Richtersveld). Tshika tse tharo tsa phepheng le tsona di fitlhelwa fano, go akaretsa phepheng ya mo mmung, ya mo matlapeng le ya mogatla o mokima (mefuta ya yona ele mmalwa ke mengwe ya e e botlhole go gaisa mo Afrika Borwa). Ka jalo, fa o kampa mo kgaolong, o seke wa lebala go sekaseka ditlhako tsa gago mo mesong!
Translated by Nchema Rapoo
