Ama-Kokerbooms
Imithi yenrhopha izele endaweni yeRichyersveld. Imithi le ibizwa ngelinye ibizo ekuthiwa yi-kokerooms nanyana quiver trees, imithi erharhako le ingaphila iminyaka eyi-400 begodu iza ngemihlobohlobo kanye nangemakhiwo. Izele endaweni le begodu uyithola ihlole ematjeni kwesinye isikhathi igega hlanu kwendlela. Ibizo elithi- ‘quiver tree’ litlhadlhula abazumi babathwa kanye nebamakhoikhoi, egade basebenzisa imiqibitjholo baqede bayifake emagateni womuthi we-kokerboom.
Erichtersveld kunemihlobo emithathu kwemihlanu yama-kokerboom etholakala lapha:
I-National Park yindawo ehle yokuhlola imithi yakade le yenrhopha
Umuthi i-Pillain old Quiver Tree/Kokerboom (Aloe dichotoma). Ukhula ube yi-9m ngobude ubonwa ngesiqu esikhulu esiphakathi esinamagatja anabileko kanye namakari amila phezulu. Utholakala epumalanga yentabeni i-Stinkfontein eRichtersveld elirhalawumba lapha ukhula ube mude. Ihlathi le-kokerboom (elibizwa bona yi-colony) eRichtersveld
Umuthi i-Pillain old Quiver Tree, obizwa ngebizo le-Bastard Quiver Tree nanyana i-Basterkokerboom (A. pillansii). Ukhula ufike ku-10m ngobude unesiqu esidege. Unamagatja ambalwa adege kunomzawaso, A. dichotoma. Ungikhumbuza iinhluthu zaka-Mel, wabopopayi i-the Simpsons, nange lokho kungakurhelebha. Ukhula entabeni eduze komlambo i-Orange River, ukusuka e-Baken ukuya e-Tatasberg, ufike e-Dragon's Back mountain eduze kwe-Eksteenfontein. Erichtersveld National Park, angabonwa e-Helskloof kanye ne-Cornell’s Kop.
Umuthu i-Maiden’s Quiver Tree, nanyana i-Nooienskokerboom (A. ramosissima): Engakajwayeleki, mumuthi ofana nomutjhana kunomuthi. Unamagatja amanengi arhatjhekela hlangana nendawo. Ukhula ube mamitha ambalwa ukuya phezulu uthuthumba ubesarulana khulu, okuvamise ukwenzeka ngoMeyi. Utholakala phezulu entabeni kanye nemilanjeni.
Umutjhana Otlhogekako
Umutjhana otlhogekako, i-Pearson’s Aloe (Aloe pearsonii) utholakala kwaphela e-Helskloof e-Richtersveld National Park eduze kwentabeni kanye nemlanjeni i-Orange River enarheni yeNamibia. Unamagatja manengi namakari anguncantathu amila abe manengi. Umbala we-Helskloof ungenelele begodu iintjalo zivala iintaba emahlangothini womabili endleleni emamatje. Istjalwesi sithiyelelwe ngo-Dr. H.H.W. Pearson, idayirekutha yokuthoma ye-Kirstenbosch Botanical Gardens, owathoma wabuthelela iintjalo kokuthoma ngonyaka ka-1910.
Translated by Busisiwe Skhosana