Tinhlaba taseRichtersveld

Kokerbooms

©Shem Compion

Tihlahla tenhlaba nato kusekhaya kute eRichtersveld. Iphindze ibitwe ngekutsi yiKokerbooms noma tihlahla teQuiver, letihlahla tingaphila iminyaka lengu400 futsi tima ngetindlela letinyenti. Tijwayelekile, tiyabonakala tivela endzaweni lenematje nangalesinye sikhatsi eceleni kwemigwaco.
eRichtersveld, tinhlobo teKokerboom letingu 3 kuya ku5 tiyatfolakala. Nguleti letilandzelako:
Sihlahla lesidzala seQuiver/Kokerboom(aloe dichotoma). Ikhula ibe yindze ifike ku 9m, ibonakala ngemutimba wesihlahla losemkhatsisini lonemagala nemacembe lakhula abheke etulu. Itfolakala etintsabeni taseStinkfontein nasenhla eRichtersveld, lapho ijwayele kukhula ibe yindze nemagala lajwayelekile.
Sihlahla sePillan’s Quiver, lesiphindze sibitwe ngekutsi yiBastard Quiver noma Basterkokerboom (pillansii). Sikhula sibe sindze sifike ku 10m, nemtimba wesihlahla locinile. Enamacembe langekho manyenti kepha makhulu kunalawe eDichotoma. Tikhula etintsabeni lapho kwehlela khona, dvutane nemfula lobitwa ngekutsi yiOrange River. eRichtersveld endzaweni yekuncebeleka, tiyabonakala eHelskloof kanye naseCornell’s Kop.
Sihlahla seMaiden Quiver, noma Nooienskokerboom (ramosissima): asikajwayeleki njengaleti letinye tihlahla teKokerbooms, lena nhlaba imele sikhehle, kunesihlahla. Sinemagala lamanyenti lakhula agcwale kulesihlahla angayi etulu. Atfolakala etulu entsabeni lapho kwehlela khona, ngalesinye sikhatsi dvutane nemfula.

Sihlahla Lesincane Lesingaka Jwayeleki

©Shem Compion

Sihlahla lesincane lesingaka jwayeleki, lesibitwa ngekutsi yiPearson’s aloe (aloe pearsonii) ijwayeleke eHelskloof endzaweni yaseRichtersveld lapho kuncebelekwa khona etintsabeni letendlula emfuleni wase Orange River eNamibia. Enemagala lamanyenti lahambela phansi. Lamacembe lawa abuka phansi, etindzaweni letinyenti letinhle. Letihlahla tivala lentsaba, nalapho kugcwele ematje khona. Lesihlahla sibitwa ngeligama la Dr. H.H.W. Pearson, umholi wekucala wase Botanical Gardens, lowacala watfola lesihlahla nga1910.

Translated by Thandokuhle Motha