Ibubulo le-olive oil liseselincani begodu lingarhona ukusabalalisa iintlhogeko ezingasizinengi kangako, nanyana kunjalo sithumela eminye imikhiqizo eenarheni ezibomakhelwani. Ama-olives avunwa ngesandla akhitjhwe amafutha ngendlela zesimanjemanje. Abakhiqizi abanengi be-olive oil eSewula Africa basabalalisa imihlobo ekhamba phambili eyi-‘boutique-style’ emnengi yayo ekuyikhwalithi emsulwa sulwa.
Imihlobohlobo yama-Olives Ekwenziwa ngawo Amafutha
Lokha kunemihlobo emakhulukhulu yemithi yama-olive, imihlobo yama-olive ekhathelwa ukwenza ama-olives wetafuleni iya ngokobana kuvunwe anjani, kobana anamafutha angangani kanye ngokobana anambitheka njani, ngokobana avuthwe nini nezinye izinto.
Imihlobo yama-olives esetjenziselwa ukwenza amafutha eSewula Africa ifaka hlangana i-Frantoio (747 ha), Coratina (276 ha – iintjalo zingezelelwe nge-56% ukusuka ngonyaka ka-2012 ukuya kwewaka-2018) begodu i-FS18 iintjalo zayo esele zingezeleleke nge-35% ukuya emahekuthareni ayi-231 ngokukhamba kwesikhathi.
Ukutjalwa komhlobo we-Frantoio yeSewula Africa sele kuphunguke nge-15% lokha sele kutjalwa eminye imihlobo eminengi, i-albeit mahekuthara ambalwa ngayinye, Imihlobo emitjha ye-olive oil eSewula Africa - mihlobo etjalwe kusukela ngonyaka ka-2012- ekubalwa i-Picual (78 ha), Arbequina (54 ha) kanye ne-Koroneiki (52 ha).
Imihlobo le ngayinye ihlukile kanye nenthako zayo zamakhemikhali zihlukile. Eskhathini esinengi amafutha wemihlobo ehlukahlukeneko ziyahlanganiswa ukwenza umnambitheko othize ohlukileko. Ukwenza Isibonelo, i-Arbequina enambitheka sasithelo, ithandelwa kobana inambitheka samantongomani, begodu inomnambitheko omnengi, okutjho bona i-artichoke inamaleveli aphasi atjhuqileko kanye namaspayisi. I-Frantoio yona isudu kanceni, iqedelele ngokutjhuqa kanye nangamaspayisi. Amanye amafutha athandelwa kobana anambitheka njengotjani kanye ne-pheyipha, ukwenza Isibonelo yi-Koroneiki kanye ne-Manzanillo.
Inani le-Olive Oil
ESewula Africa, kuvamiswe kobana kutholwe kobana i-virgin olive emsulwa ayibizi kunamafutha weSewula Africa wekhwalithi efanako. U-Karien Bezuidenhout oyimenenja ye-SA Olive utlhadlhula kobana abakhiqizi be-EU basebenzisa umtjhini wokuvuna begodu bathola irhelebho lakarhulumende, okubarhelebha ekukhiqizeni amafuthabo.
ESewula Africa, ama-olives avunwa ngezandla, okwenza bona inani lokuwakhiqiza likhuphuke. Kuqakathekile kobana wazi bona amafutha athunyelwe evela eenarheni ze-EU nanyana kwezinye iinarha ze-Northen Hemisphere (lapho iinkhathi zokuvuna zingafani nalezo ze-Sewula Africa) begodu akhiqizwa eenkhathini zazo zokuthela zesikhathi esidlulileko, lokha ama-olives we-Sewula Africa akhiqizwa ngeskhathi sanje begodu afretjhi.
Translated by Busisiwe Skhosana