Tindzhawu ta vumaki bya olive oil tahari tintsongo swinene naswona tinga phakela ntsena kwalomu ka nharhu wa swilaveko swa Afrika Dzonga, hambi hirikarhi hi xavisela matiko akelana yan’wana. Ti olives ti khiwa hi mavoko naswona kukamiwa mafurha swiendliwa hi ndlela ya ximanguva lawa. Vahumelerisi votala va olive oil vaphakela swihumelerisiwa swa ‘boutique-style’ hi xitalo khwalithi ya extra-virgin.
Tinxaka tati Olives ta Mafurha
Loko kahari na madzana dzana ya tinxaka ta misinya yati olives, tinxaka ta ti olive ta hlawuriwa leswaku tita endla ti olives leti xavisiwaka kumbe ku endla mafurha kuya hi mbuyelo, vukona bya mafurha, sayizi ya ti olives na nantswo, nkarhi waku vupfa xikan’we na swin’wana.
Tinxaka ta ti olives leti tirhisiwaka ku endla mafurha laha Afrika Dzonga tikatsa Frantoio (747 ha), Coratina (276 ha – swibyariwa switlakuke hi 56% kusuka hi 2012 kuya eka 2018) na FS18 leswi swibyariwa swinga tlakuka hi 35% kuya eka 231 hectares eka nkarhi lowu fanaka.
Swibyariwa swa muxaka wa Afrika Dzonga wa Frantoio switlakukile hi 15% loko swibyariwa swintshwa swaha byariwa, eka ti hectares tintsongo ha yin’we. Tinxaka tintshwa ta olive oil e Afrika Dzonga – leti byariwaka kusukela 2012 kuya emahlweni- tikatsa Picual (78 ha), Arbequina (54 ha) na Koroneiki (52 ha).
Tinxaka leti yin’wana na yin’wana yina nantswo wo hlawuleka xikan’we nati khemikhali letinga eka tona. Hixitalo mafurha yati olives kusuka eka tinxaka to hambana ya pfanganyisiwile ku endla antswo wokarhi. Xikombiso, muhandzu wa Arbequina wu tsakeriwa hikokwalaho ka nantswo wa nutty, buttery, aromatic flavour lowu hlohletelaka apula na artichoke naswona wuna nhlayo yale hansi swinene yaku dzunga xikan’we na xipayisisi. Kasi hile tlhelo, Frantoio yitele nuhelo wa aroma, lowungana rihlaza rokarhi xikan’we na nantswo lowu nyanga nyelaka nyana, wuhetelela hiku dzunga na swipayisisi. Mafurha yan’wana tsakeriwa hiko kwalaho na nuhelo wa rihlaza na viriviri leswi kumekaka; xikombiso i Koroneiki na Manzanillo.
Ntsengo wa Olive Oil
E Afrika Dzong, switala ku kumeka leswaku extra virgin olive oil leyitaka kusuka ematikweni mambe yile hansi hi nxavo kutlula ya Afrika Dzonga ya khwalithi leyi fanaka. Karien Bezuidenhout loyi anga mininjere wa SA Olive u hlamusela leswaku vahumelerisi e matikweni ya EU vatirhisa michini ku tshovela naswona vakuma mpfuneto kusuka eka mfumo, lowu pfunetaka swinene eka vuhumelerisi bya mafurha ya vona.
E Afrika Dzonga, ti olives ti khiwa kunene hi mavoko, leswi vangaka leswaku kuva na ku tlakuka eka ntsengo wa vuhumelerisi. Swina nkoka ku tekela enhlokweni leswaku mafurha lawa ya humaka ematikweni ya EU kumbe kunwani e Northern Hemisphere (laha tinguva ti hambanaka na ta Afrika Dzonga) yava ya humelerisiwe eka nguva leyi hundzeke, loko mafurha ya olive ya Afrika Dzonga ya humelerisiwe eka nguva yoleyo naswona yahari mantshwa.
Translated by Ike Ngobeni