Ama-avocado eskhathini esinengi adliwa afretjhi kodwana angalungiswa kwenziwe ngawo amafutha. Ngonyaka ka-2018, umkhiqizo wama-avocado we-Sewula Africa gade uyi-170 000 yamatani, incenye yayo kuyi-(86 000 yamatani) athunyelwa enarheni ye-Europe kanye ne-UK. I-40% gade ithengiswa emmarageni kuthi i-10% kwenziwe ngayo i-puree kanye namafutha we-avocado.
Amafutha we-avocado
Amafuthaaku-avocado ngowesibili ngokukhamba phambili alandela ama-olive kwesinye isikhathi anekhwalithi ekhamba phambili kunawo.
Iskhumba sama-avocado kwenziwa ngaso i-crude oil, namanye amafutha, kanye namanye amafutha agandelelweko, asetjenziselwa ukwenza izinto zezobuhle kanye nokudla kwemabubulweni. Amafutha we-avocado ayatholakala amafutha amsulwa begodu anganongwa afakwe iinthako, ukwenza isibonelo ikonufula nanyana iswiri. Ngaphandle kokobana isetjenziselwa ukwenza amasaladi kanye nokumarineyida, inentuthu enengi eyi-250°C eyenza bona bona ifaneleke kobana ingafrayiwa begodu irostiwe.
I-avocado mthombo we-omega-3 fatty acid, imumethe amafutha a-monounsaturated fatty acid afana ne-aloeic acid eqeda ukuvuvuka kanye ne-cholestorol.Imumethe i-chlorophyll engasimnotho we-magnesium kodwana irhelebha umzimba kobana ulahla izinto ezibudisi.
Amafutha we-avocado azele amavithamini begodu amumethe ama-vitamins A, B1, B2 kanye ne-vithamin D, amino acids, lecithin begodu asuselwa ibatjazwa ngokobana inama-antioxidant ngabanga lamaleveli aphezulu wama-vithamini E. Ifaneleka ekusetjenzisweni esikhumbeni esizwelako, esonwe lilanga, begodu irhona ukurhelebha imiraro yesikhumba efana ne-eczema kanye ne-psoriasias.
I-avocado ipakwa emabhodleleni ayirhalasi lokha nayiyokuthengiswa imafutha itholakala ngamadromu ayi-210 yamalitha.
Intanga Zama-avocado
Ama-avocado kwenziwa ngawo i-guacamole eyi-dip, nanyana i-puree/-pulp. Lokha nayilungiswa ngokugandelelwa ngaphasi kwegandelelo ukukhiqiza i-avocado esiliweko, lokha umkhiqizwayo upakwe wafakwa esiqandisini wabalirhwabalaza ku-18°C. I-avocado esiliweko eyenziwe irhwaba ingahlala iminyaka emibili okay emalangeni ayi-30 ngemva kokobana incibilikisiwe. Yincibilikise ubusuku boke ngemva kokuyikhipha esiqandisini.
I-avocado esiliweko ingasuswa umnambitheko nanyana ifakwe umnambitheko, ngetamati, nge-eye, ngeswiri, nge-coriander kanye nempayisi ezifana nebilibili. Amapaka abawathengisa ngawo abekwa ematjhwaratjhwareni kuthi umkhiqizo wayo omnengi upakwe enkhwameni ezimatjhwaratjhwara eziyi-3 kg. Ama-puree wama-avocado amanengi kanye nemikhiqizo yama-guacamole eSewula-Africa anikezwa isitifikeyidi yi-Kosher kanye ne-Halaal.
I-avocado Eyenziwe Irhwabalaza
Ama-avocado avuthiweko ahlutjiweko, akhitjhwe iintanga asikwa iincentjhana nanyana amablogo. Iincetjhana zama-avocado afakwa ehlanganiseleni ye-ascorbic acid kanye ne-citric acid ngaphambi kokobana iqandiswe ngayinye i-(IQF). Umkhiqizo lo uzaliswa emabhegeni enziwe ngetjhwaratjhwara.
Translated by Busisiwe Prudance Skhosana