Diabokado gantšhi di lewa di le foreše ka popego ya tlhago gomme di ka diragatšwa go tšweletša oli le šohlo. Ka 2018, tšweletšo ya Aforika Borwa ya diabokado e ne e le mo tshepelong ya ditone tše 170 000, e lego gore seripa gare (86 000 ya ditone) di rometšwe ka Yuropa le UK. Bokana ka 40% bo ne bja rekišwa mo mmarakeng wa selegae gomme ye nngwe e ka ba 10% e ne ya diragatšwa go ba oli ya abpokado le tša go thogiwa.
Oli ya Abokado
Diteng tša oli ya diabokado ke tša bobedi fela mo go mohlware le ge dinako tše dingwe go ba ye kgolo.
Mmele wo o butšwitšego tša diabokado di ka diragatšwa go tšweletša oli e tala, oli ye e tlhohlilwego, le oli ya abokado ye e šedilwego ka go tonya; se se šomišwago mo ditlolong le dijo. Oli ya abokado e ka ba gona bjalo ka ye e sekilwego ka tlaleletšo gape e ka tsentšhwa tatso, mohlala le konofole goba swiri. Ntle ga tšhomišo ya yona ka disalateng le metswakong, e na le ntlha ye e godimo ya moši wa 250°C se se dirago gore e be ye e maleba go gadika le go besa.
Oli ya abokado ke mothopo wa diesiti tša makhura a omega-3, di na le diesiti tša makhura tša go sa tswakwanywa tše di bjalo ka esiti ya oleiki ye e lego ya thibela thurugo ye e senago kholesterolo. Gape e sa na le mmalafatši wa dibjalo ye e sego fela mothopo wa tlhago wa maknesiamo gomme gape e thuša mmele go lahla ditšhipi tša go ba boima.
Oli ya abokado ke oli ye e nonnego ka bithamine ye e nago le bithamine A, B1, B2 le D, makhura a amino, lesithini gomme gape ka gore kudukudu e retwa ka dithoto tša yona tša seela seo se šitšago oksideišene ya dithoto ka lebaka la maemo a godimo a bithamine E. E swanetše kgomego, mo letlalong le e sentšwego ke letšatši gape e ka thuša go fokotša mathata a letlalo bjalo ka sekgalaka le bolwetši bja letlalo.
Oli ya abokado e phuthetšwe ka mabotlelong a galase go ya go rekišwa le oli ye e lego teng ka bontšhi ka ditankeng tša dilatara tše 210.
Šohlo ya Abokado
Diabokodo di a diragatšwa go bopa guacamole - ye e lego e inetšwego, goba abokado ye e thugilwego/šohlo. Kgatelelo ye e ka godimo e ka šomiša go tšweletša šohlo, gomme ka morago tšweletšo ye e puthetšwego le go kgahlišwa ka go 18°C go ntšha. Šohlo ye e kgahlišitšwego e na le bophelo bja dišhelofo bja go fihla dingwaga tše 2 le go tsentšhwa mo setšidifatšing matšatši a bophelo bja mo dišhelofong ka morago ga go gakoloswa. E tološe bošego tsamaong ka moka ka setšidifatšing.
Šohlo ya abokado e ka ba ya tsentšhwa tatso ya tamati, eiye, swiri khorianda le dinoko bjalo ka dipherefere. Dipakete tša ka mabenkeleng di bewa mo dišthelong tša polasetiki le mo masakaneng a polasetiki ka ditšweletšwa tša bontšhi di phuthetšwe go fihla go 3 kg. Bontšhi bja ditšweletšwa tša abokado ye e thugilwego le motswako wa kinelo ya abokado tše di tšwago ka Aforika Borwa di kgonthišitšwe bjalo ka Kosher le Halaal.
Abokado ye e Kgahlišitšwego
Diabokado tše butšwitšego di a ebolwa, di ntšhiwa peo le go ripiwa go ba dikarolwana goba diboloko. Dikarolwana tše tša diafokado bjale di a inelwa ka motswakong wa esiti ya eskobiki le sitrik esiti pele ge e kgahlišwa ka bjako (IQF). Tšweletšo ye e tsentšhwa ka masakaneng a polasetiki.
Translated by Lawrence Ndou