Ikhabitjhi

© Louise Brodie
Ibizo lesayensi: Beta vulgaris var. cicla
Ibizo elijayelekileko: iKhabitjhi

Ukuqhazwa Kwesitjalo

Kuyisitjalo esakheke njengethuthumbo elizombeleze isidindi esifitjhani esenza ibholo nanyana ihloko. Sinesistimu yemirabhu evela esidindini ingasi phasi ehlabathini.

Ukusetjenziswa Kwaso

Ingaphekwa nanyana idliwe ihlaza njenge-salad. Istjalo soke singadliwa.

Iimfuneko Zehlabathi kanye Nokulungiselwa Kwawo

Ikhabitjhi ingatjalwa emihlotjeni ehlukeneko yehlabathi kodwana iba yihle nayitjalwe ehlabathini ebamba ubuswe nengenwa mamanzi. Ayikhuli kuhle ehlabathini ene-acid enengi. Ihlabathi kufanele ibev ne-yikhuli kuhle ehlabathini ene-acid enengi. Ihlabathi kufanele ibe ne-Ph ehlangana kwe-5, 5 kuya ku-6,5 begodu akukafaneli bona i-pH ivunyelwe bona, ibe ngaphasi kwe-4,5. Eentjalweni ezine pH engaphezulu kwe-6.5 amakari aphenduka abe nzima. Iintjalo ezisehlabathini ene-saline zivamise ukubanjwa bulwelwe be-blackleg.

Ubujamo Bezulu

Ikhula kuhle lapha kunobujamo bezulu obupholileko obunobuswe. Ikhwalithi yehloko iba buthakathaka lokha itjalwe endaweni eyomileko. Umnambitheko wayo ulahleka ngaphasi kobujamo bezulobo.Ikhawalithi yesivuno ayibiyihle ehlobo, begodu kubudisi ukulawula iinunwanana. Ubujamo bezulu obuhle obulungele bona ingakhula kuhle kulokha bungaphasi kwe-18°C kuya ku-20°C. Ayinamraro nanyana ingatjalwa endaweni enombhethe, begodu ikghona ukuphila endaweni enamazinga womtjhiso angaphasi kwe-3°C ingonakali.

Ubude Belanga

Ingatjalwa unyaka woke kodwana ikhwalithi yayo ayibi yihle eendaweni ezomileko, nezitjhisa khulu.

Ama-Cultivars

Imihlobo embalwa yekhabitjhi ihlukaniswe yaba mihlobo emibli ebvizwa bona ma-conical nanyana i-sugarloaf-headed, ballheaded kanye ne-drum-headed kuye ngokobana ihloko yayo yakheke njani kanye ne-savoy. Imihlobo yekhabitjhi ngokuya kwesikhathi sonyaka ibunjesi:
Ngesiruthwana nalada ngesilimela: Conquestador kanye ne-Gladiator
Lada ehlobo: Hercules, Drumhead kanye ne-Grand Slam
Ngesilimela nalada ehlobo: Tenacity kanye ne-Conquestador
Lada ehlobo nalada ngesiruthwana: ne-Megatron
Ingahlukaniswa ngokuya kombala kanye nesikhathi sokutjalwa. Amakari angabahlaza nanyana abe bovu, abebutjhelelezi nanyana atjhwabe. Umhlobo we-savoy ukghona ukujamelana namakhaza begodu unamakari atjhwebe khudlwana begodu anombala ohlaza tlabha.

Translated by Busisiwe Skhosana