Ukukhula kwezinga lesidingo sokudla okuvela eentjalweni, ukudla okunamaprotheyini aphezulu namafutha anepilo kwenze bona kube netjisakalo ku-nutritional value emkhiqizweni wokudla okuhlotjaniswa ne-hemp. Imbewu ye-hemp ayinayo-iglutten begodu zizele ngezakhamzimba ezinomnambitheko wamandongomani nekhupha iflowura enamaprotheyini aphezulu namafutha anepilo.
Inzuzo Ye-hemp
Imbewu ye-hemp izele amaprotheyini amanengi (20% - 25%) nomthiya wederi ophezulu, amavithamini A, B1, B6, B12, C, D ne E begodu amumethe i-magnesium, i-phosphorus, i-potassium, i-calcium kunye ne-iron. I-Edestin, okuyiprotheyini elibulungako eligayeka lula limumethe woke ama-amino esidi eqakathekileko begodu libalelwa hlangana ne 60 - 80% yawowoke amaphrotheyini akhona embewini ye-hemp.
Okuqakatheke khulu embewini ye-hemp mafutha wayo apheleleko kunye nama-fatty esidi ewamumetheko. Imbewu ye-hemp inamafutha angaba yi 25 - 35% i-36% yawo mafutha we-poly angakaqarhwa kufakahlangana i-omega 3, 6 kunye ne 9 yama-fatty esidi. Ama-fatty esidi lawa ehlisa ukuvuvuka begodu arhelebha ekulawuleni amatswayo wezifo ezingapholiko ezifana nomhlobo wesibi weswigiri/-type 2 diabetes kunye nesifo samathambo.
Ama-antioxidants properties we-hemp, ngokuthokoza amavithamini E kunye ne-phytol content, avikela ama-free radicals ekutheni abangele ukumotjhakala kwama-cellular emzimbeni womuntu begodu angehlisa ingozi yemiraro yepilo efana nobulwelwe be-Parkinson’s, ukuhlaselwa yihliziyo nofana kunye nobulwelwe be-Alzheimer.
I-Hemp Ekudleni
Iinthako ezisuselwa embewini ye-hemp zingasetjenziswa ukungezelela amaphrotheyini, ama-carbohydrates, amafutha nofana izakhamzimba ekudleni okuhlukahlukeneko okufaka hlangana ama-shakes kunye namajuzi. I-hemp ibuye isetjenziswe ekwenzeni ama-derivatives enziwe ngeentjalo ukujamela ukudla kwederi, isibonelo, ibisi le-hemp.
Ngemva kokukhupha amafutha embeweni ye-hemp, ikhekhe elisaleleko le-hemp liyagayiwa kwenziwe iflowura ye-hemp, emumethe 15 - 20% yamaphrotheyini agayeka khulu. Faka iflowura ye-hemp njengeprotheyini yepuphu lokha nawenza amaphayi, amakuke, amamafini, kunye noburotho ijamele iflowura yekoroyi njenge low-carb. Sebenzisa i-25% ye-hemp ukuya ku 75% yeretjhiyo yeflowura. Iflowura ye-hemp ingabuye isetjenziswe ngengesithako kuma-snack bars.
Ipuphu yamaphrotheyini we-hemp ingahlanganiswa kuma-smoothies nemasobhweni, bese kuthi amathuthumbo we-hemp asetjenziselwe ukwenza itiye. Ukulekelela ukumunyeka kwamafutha anyibilakako i-fat-soluble CBD, ungafaka amafutha wekhokhonathi, ibhodera nofana ibisi etiyeni yakho.
Amafutha we-hemp, nakakhutjhwe embewini nofana lawa adege ama CBD-rich oil akhutjhwe emakarini nemathuthumbweni asetjenziswa njenge-dressing oil namkha aselwe njesisihlahla.
I-hemp ubuye isetjenziwe ekwenzeni utjwala nekwenzeni iinselo zama-cocktails kunye nezinye iinselo. Enarheni ye-China, imbewu ye-hemp eyosiweko zithengiswa njengama-snacks endleleni kunye nenarheni ye-Russia, amafutha abizwa nge-‘black oil’ akhiqizwa ngembewu edala ene-chlorophyll asetjenziswa khulu.
Imbewu ye-hemp ingagayiwa (bese ibizwe nge-‘hemp hearts’) beyithelwe phezulu kwamasaladi, igaywe ibese ifakwa kuma-smoothies nemasobhweni nofana ivangwe nama-popcorn, isirabhu, amafutha wekhokhonathi nama-shea seeds abese abhagiwa ku-oven ukwenza i-crunchy granola.
Translated by Busisiwe Prudance Skhosana