Koketšo ya nyako ya dibjalo, dijo tša maemo a godimo protrin le dioli tše bose tšeo di hlotšwego kgahlego ye e mpshafaditšwego ka mohola wa phepo tša ditšweletšwa tša dijo. Dipeu tša Hemp peu ga di na swikiri gomme di na le maemo a godimo wa mohlodi wa matokomane gomme di buna maemo a godimo a flouru le oli ye e itekanetšego.
Mehola Ya Hemp
Dipeu tša Hemp di na le maemo a godimo a proteine (20% - 25%) le maemo a godimo a dijo tša tlhale, dibithamini, B1, B6, B12, C, D le E gomme di na le maknisiamo, fosforo, potassiamo, kalasiamo le tshipi. Edestin, poloko ya protein e na le dilo ka moka tše bohlokwa tša diaminoesiti tšeo di ka bago a 60 - 80% ya palomoka ya diteng tša proteine ya dipeu tša hemp.
Mohola wo mogolo wa dipeu tša hemp ke oli ya yona le makhura a esiti. Dipeu tša Hemp di na le diteng tša oli tša go lekana 25 - 35% gomme 36% ke makhura a poly-unsaturated le omega-3, 6 le 9 le diesete tša makhura. Diesete tše tša makhura di fokotša bohloko le go thuša go laola dika tša malwetši, bjalo ka mohuta wa bobedi wa bolwetši bja swikiri le arthritis (bolwetši bja maoto).
Dithoto tša antioxidant ya hemp, vitamine ya E le diteng tša phytol, go thibela tshenyo ka mo mmeleng ya batho gomme di di fokotša kotsi ya maphelo go swana le bolwetši bja Parkinson, tlhaselo ya pelo, goba bolwetši bja Alzheimer.
Hemp Ka Gare Ga Dijo
Ditswaki tša peu di ka dirišwa go okeletša proteine, khapohaetrete, oli goba phepo go mehutahuta ya dijo go akaretšwa Shakes le ditodi. Hemp e dirišwa gape go dira mehutahuta ya dibjalo go maswi, go fa mohlala, maswi a hemp.
Ka morago ga go ntšha oli go tšwa go dipeu tša hemp, khekhe e šetšego ya hemp e a šilwa go bopa folouru ya hemp, yeo e nago le 15 - 20% ya maemo a godimo a proteine. Oketša lerole la proteine go phae, dikuku, muffins le borotho mo legatong la folouru ya meamo a fase a korong. Šomiša 25% ya hemp go 75% ya kabo ya flouru. Folouru ya hemo e ka šomišwa gape bjalo ka didirišwa ka gare ga tšhokolete ya seneke.
Lerole la proteine le ka okeletšwa go smoothies le disopo, mola matšoba a hemp ona a ka dirišwa go dira teye ya mešunkwane. Ge o nyaka go thuša go mona makhura CBD, o ka oketša ka oli ya coconut, potoro goba fmaswi ka ka gare ga teye.
Oli ya Hemp yeo e ntšhitšwego go tšwa go peu ya oli CBD yeo e ntšhitšwego go tšwa go matlakala le matšoba di šomišwa bjalo ka oli ya go tlola goba di tšewa bjalo ka dihlare.
Hemp e ka dirišwa gape go ena bjalwa le motswako ka gare ga cocktails le dino tše dingwe.
Kua China, dipeu tša hemp tša go bešwa di rekišwa bjalo ka seneke ke barekiši ba mebila gomme kua Russia, ‘oli e ntsho’ yeo e tšweleditšwego go tšwa go dipeu tša chlorophyll-rich e šomišwa ka bophara.
Peu ya Hemp e ka tlošwa (e be e bitšwa ‘dipelo tša hemp) e be di fokwa godimo ga salate, di ka šilwa e be di šomišwa ka gare ga smoothies le disopo goba tša hlakanywa le popcorn, syrup, oli ya coconut le dipeu tša chia e be di pakwa ka gare ga obene go dira granola.
Translated by Lebogang Sewela