Igama ejayeleke ngalo: Tomato, Tamati, Tamatiso, uTamatisi
Iintamati zematafuleni zihlangana nalezo ezitjalwa khulu umhaba zombelele begodu kunemihlobo ehlukahlukeneko emakhulu yeentamati ekhona. Isithelwesi sinothile nge-lycopene kanye ne-Vitamin C. Iintamati zisetjenziswa ngeendlela ezihlukahlukileko. Iintamati ezivuthiweko zidliwa zingakaphekwa begodu ziyakhanzingwa nofana ziphekwe. Zinjalo nje ziyonyiswa ngelanga nofana zenziwe i-tomato sauce, puree, iputjhana kanye nesopo nofana itamate yangaphakathi kwamabhlege, ijemu kanye ne-chutney.
Ihlathululo Yesitjalwesi
Itamati imhlobo ohlala umajadu isikhathi eside kodwana itjalwa njengesitjalo sonyaka esitjalelwa iinthelo zayo. Isithelo esikhiqiza amagatja esineziqu ezinamaboyana kanye nezibuthakathaka. Amakarazo anamaboyana begodu ayahluka ngobungako. Isitjlwesi sithela amathuthumbo abutheleleneko wombala osarulana.Iinthelo zayo zirondo begodu ziyahluka ngobungako kanye nombala, zisuka embaleni obovu ukuya kobukhobe nofana osarulana nasele zivuthiweko. Isitjalwesi sithela imbewu esipara, egobeneko kanye nenamaboyana yombala ozotho okukhanyako.
Iimfuno Zomhlobo Wehlabathi kanye Nokuyilungiselela
Ihlabathi elungeleko kufuze yome ngokwaneleko okungasenani ibe-1.2m nanyana ukutjhinga phasi okuma-600mm nakho kwamukelekile. Yenza bonyana ihlabathi iba lula ngokupeda nofana ngokusebenzisa iforogo, ilembe lezandla nofana irharafu. Yenza ihlabathi bonyana ibe lula ukwenzela ukuphefumula lula kwemirabhu, ukungenelela kwemirabhu kanyen nokumunya kwayo. Susa amatje begodu uphadlhe iindawo eziqinileko ukwenzela ukungenelela okuhle kwemirabhu.Iintamati zizwana nehlabathi ebutjhelelezi kanye nehlabathi ena-15% ukuya ema-35% webumba ilungele begodu imiphumela emihle iyatholakala ngokutjhingelako, ehlabathini yomhlobo we-loam soil eyome kuhle. Isitjalwesi sikghona ukujamelana nehlabathi yomhlobo omumethe i-asede kanye ne-optimum pH eyi-5.0 ukuya keli-7.0. Ukwenzela umkhiqizo ofaneleko ihlabathi kufuze inothe nge-organic begodu ikhululeke ekubeni ne-root-knot nematodes.
Itlayimeti
Ukuhlukahlukana kwetlayimeti eSewula Afrika kuvumela ukutjalwa kanye nokukhiqizwa kweentamati ezisesezitjha eendaweni ezivulekilekp neencenyeni ezihlukahlukeneko zenarha umnyaka woke nanyana iintamati kuziintjalo ezijayeleke ngokuba ngezesikhathi esifuthumeleko. Azizwani khulu nombethe nofana irhwaba begodu umtjhiso ozilungeleko wokuthi zikhule ubalelwa ema-20°c ukuya ema-25°c, ngokuthi kube nomtjhiso wenyanga okuphakathi kwe-18°c kanye nama-27°c.Nangabe umtjhiso udlula ama-35 bese wehle ube ngaphasi kwe-12 lokho kungaba nomthelela omumbi esithelweni kanye nekhwalithi yaso. Umtjhiso, umoya owomileko ubanga ukuthintheka okudluleleko kwamathuthumbo nakuragela phambili ngokuthamba okunengi, ubujamo obunezulu burholela ekusabalaleni kwamalwele wamakari. Nje-ke kuphakanyiswe bonyana iintamati zitjalelwe eendaweni ezomileko ezithelelelwako.
Imihlobazo
Fresh market Tomatoes: Floradade, Karino, Rodade, Star 9001, Star 9003, Zeal, FortressJam and preserving Tomatoes: HTX 14, Legato, Roma, Rossol, Star 9056F, Sun 6216
Cherry Tomatoes: Bamby, Josephine, Little Wonder, Songold, Flavorita, Jasper
Translated by Busisiwe Skhosana