I-Buchu (‘boegoe’ nge-Afrikaans) libizo lamalungu womndeni we-Rutaceae begodu thandelwa irhona layo lokwelapha ephasini loke. Sele isetjenziswe iminyak eSewula Africa babathwa ukwelapha imiraro yokungagayeki kokudla ngemathunjini, umgomani kanye neramatiki sele kusithako esibiza khulu ebubulweni lokudla kanye nelenhlahla. Abahlali bokuthoma beSewula Africa bafarha amakari wayo evinigeni kanye ne-brandy bayisebenzisela ukukhulula indeni, iimbungu kanye nokupholisa amathumbu abuhlungu. Kunemihlobo emibili i-Agathosma crenulata, (long-leaf buchu) kanye Agathosma betulina (i-buchu enemakari arondo).
Umkhiqizwaso usetjenziselwa ukwenza izinto zezebuhle, ne-zokwenza amakha (ezikhipha umnambitheko we-blackcurrant) begodu isetjeniselwa nokudaya ukudla. Ngekwezokwelapha isetjenziselwa ukwelapha izinso kanye nobuhlungu besfuba. I-Buchu sizeso esiqeda ukuvuvuka begodu sisebenza njengesizeso, sithengiswa njengamanzi webhuchu nanyana amafutha amsulwa. Amakari westjalwesi asebenza ukukhupha itjhefu emzimbeni begodu begodu ipholisa amakrempe lokha abomma baya eskhathini kanye nokuqurhelana. I-Buchu oil inobujamo be-GRAS ngombana iphephile - yi-FDA kanye European Union.
Ngebanga lokobana amafutha ayabiza, abelimi sele bathome ukutjala i-buchu ngehloso yokwenza inzuzo. I-buchu stjalo semvelo esitholakala eentabeni zesifundeni Western Cape. Bunchu itjalwe ngehloso yokwenza inzuzo e-Piketberg, Citrusdal kanye ne-Cederberg. I-Buchu ithanda indawo eyisanda, engenwa mamanzi engena asidi begodu itjalwa ngembewu.
Ukwala Kwezemaphilo
Ilwazeli lenzelwe ukufundisa kwaphela begodu akukafaneli bona lisetjenziswe njengesiyeleliso sezepilo. Ilwazeli alikenzelwa ukujamiselela iinluleko zezepilo nanyana ukulatjhwa okunikelwa ngusiyazi wezepilo.Translated by Busisiwe Skhosana