Imithi yamapiyere, ngokufana nemithi yama-abhula, ikhula kuhle emazingeni womtjhiso-weendawo ezimakhaza esikhathini sebuskika nepholileko ehlobo. I-Western Cape, ngalesi isizathu, ngikho ikhiqiza ngaphezulu kwesiquntu sawowoke amapiyere akhiqizwa eSewula Afrika. Njengoba kwavezwa kuripoti ngo 2017 ku-Hortgro Tree Census, indawo ekukhiqizwa kiyo umkhiqizo wamapiyere beyilingana ne 12 265 ha ngo 2017.
Isikhisi se-Ceres Valley seneminyaka eminengi khulu sikhiqiza umkhiqizo omunengi, beyibalelwa ku-37% yayo yoke indawo ekukhiqizwa kiyo umkhiqizo wamapiyere ngo 2017. Indawo ye-Langkloof isesikhundleni sesibili, ngomkhiqizo olingana ne 14% eSewula bese kuba yi 2% eTjingalanga, kulandele i-Wolseley/Tulbagh kunye ne-Groenland, ekungizo ezikhiqiza umkhiqizo olingana ne 12% ngayinye.
I-Villiersdrop/Vyeboom yakhiqiza i-9% bese kwathi i- Villiersdrop/Vyeboom yakhiqiza i-7% kunye ne-Sourthern Cape, Piketberg ne-Somerset West ngayinye zakhiqiza ngaphasi kwe 2% eendaweni ekukhiqizwa kizo.
Imihlobo Yamapiyere
Imihlobo eyonayona etjalwa eSewula Afrika yi-Packham’s Triumph, i-Forelle, Bon Chretien kunye ne-Abate Fetel. I-Packham’s Triumph beyinendawo elingana ne-33% ekukhiqizelwa kiyo ngo 2017, kulandlele i-Forelle nge-26%, i-Williams Bon Chretien nge-20% kunye ne-Abate Fetel nge-7%.
Njengoba kubonakala kuma-sayithi weenthelo/-fruit sites, i-Forell yavela e-Germany njengembewu iyamila ngetjhudu yase ilethwa eSewula Afrika ngabo-1800s. Umhlobo lona igama layo uthathelwe ku-rainbow trout ngonobangela wokobana isikhumba sayo sinombadlana obovana ofana nombala we-trout. I-Packham Triumph yenziwa e-Australia, ngokuphambana kwe- Bon Chretien ne-St Germain, yalethwa eSewula Afrika ngo-1992.
I-Bon Chretien idabuka e-Unite Kingdom begodu ifanele imakethe yeenthelo ezifretjhi nezikheniweko. I-Abate Fetel yenziwa ngokuvanganisa ama-culticars wenarheni enziwa yi-French Monk, u-Abbe Fetel, ngo-1866 begodu ithengwa khulu e-Europe.
Iinkhathi Zonyaka
Amapiyere sithelo sehlobo, isikhathi sokulima siya ngomhlobo wepiyere nobujamo betlayimethi. Amapiyere we-Forelle eSewula Afrika avunwa kusukela ekupheleni kwenyanga kaMhlolanja kufikela kuNtaka. Ama-Packham Triumph avunwa kusukela phakathi kwenyanga kaMhlolanja bese kuthi i-Bon Chreties kusukela ekuthomeni ukuya ekupheleni kukaTjhirhweni.
Ukuthengwa
ISewula Afrika imkhiqizi omncani wangaphetjheya nakubalwa ngeendawo ekukhiqizwa kizo, kodwana ikhamba phambili ekuthengiseleni ezinye iinarha. Umkhiqizo wenzelwe ukuthengiswa emamakethe wangaphetjheya, kulandela ukuprosesiwa bese kube kuthengisela amamakethe wekhethu. Ubunengi beenthelo eziprosesiweko zikheniweko bese kuthi umthamo omncani ngowonyisiweko.
I-Europe ne-Unite Kingdom ngizo iinarha ezithengiselwa yiSewula Afrika umkhiqizo omunengi wamapiyere afretjhe ngokuya kweembalo zomthamo nenzuzo. Ukukhethwa kwe-cultivar, ngalesi isizathu, kufinyelela ezingeni elithize elibekwe mamakethe lawa. I-EU ibhederisa umkhiqizo wamapiyere akokoreneko, afana ne-Abate Fetel kunye ne-Doyenne Du Comice, bese kuthi i-United Kingdom ibhederise amapiyere athambileko.
Ukusetjenziswa
Amapiyere anezakhamzimba ezinengi, ezizele ama-vithamini, amaminerali, umthiya kunye nama-antioxiants. Angadliwa njenge-snack esifretjhi nofana asetjenziswe emasaladini. Angakheniwa, onyiswe, abe-purred nofana enziwe ijuzi. Asetjenziswa ekuphekeni nekubhageni.
Translated by Busisiwe Prudance Skhosana