Incenye ye-genus ihlangana kwemihlobo yentjalo eyi-750 kanye ne-800 erikhodiweko, umhlobo wefeya obizwa bona yi-‘eating fig’, Ficus carica, uhlukile. Amanye ama-genus athrophikhali ‘imithi yerabha’ enesthelo esidlekako. Inarha ekhiqiza amafeya amanengi afretjhi ephasini yi-Turkey, kodwana neSewula Africa nayo ikhiqiza amafeya afretjhi ngomcopho wokuwasa eenarheni zangaphandle, ayi-12% emkhiqizweni wephasi.
Umnambitheko wamaFeya
Okuya ngokobana mhlobo bani wamafeya, amafeya angahlukaniswa ngeminambitheko emithathu - we-berry, weliju kanye neweswigiri (engakavangwa nalitho). Umbala wamafeya uya ngokobana ifeyi linambitheka njani kunokobana linombala onjani.
Ama-Sugar figs aneswigiri anombala onzima lokha amafeya womhlobo we-berry anombala obomvu saphephuli. Amafeya weIliju avamise ukuba nombala okhanyako oneskhumba esisarulana.
Ukusetjenziswa kwamaFeya
Amafeya adliwa afretjhi anganaskhumba nanyana anaso. Amafeya asetjenziselwa ukupheka, afakwa emasaladini kanye nakuma-desserts, ahlanganiswe ne-yoghurt adliwe njengesidlo sekuseni nanyana adliwe netjhizi nanyana nama-platter wetjhizi. Avamise kobana afakwe ne-brandy, rum kanye nama-liquers nanyana i-balsamic vinegar kanye neliju, kodwana amafeya wezinga eliphasi asetjenziselwa ukugayela utjwala.
Amafeya athela msinya abizwa ngokobana yi-breba avamise ukusetjenziselwa ukulungisa ijemu ethandwa khulu i-green fig jam. Amafeya athoma ukuhlanganiswa ngepumelelo nama-granadilla, asetjenziswe ku-chutney kanye naku-salad dressing, amanye abekekwe ukwenza ngawo i-brandy.
Amafeya angonyiswa kodwana amafeya amanengi onyisiweko akhona lapha eSewula Africa abuya enarheni ye-Turkey. Amafeya afakwe emarolini wenthelo ezonyisiweko.
Kuthiwa nokurostiwa aya rostiwa eselwe njengekofi ngokobana amafutha adliwako yaphuma emafeyini.
Nawubhagileko nanyana nawuzistimako. Umuthii loya ukhipha umnuko onga inga yi-coconut. Amakari wamafeya asetjenziselwa ukukhazimlisa inyama, nehlanganiseleni yamajuzi kanye namajeli.
Inzuzo Elethwa maFeya
Amumethe imithiya edliwako, i-vithamini B6, magnesium, potassium, calcium, manganese kanye nama-antioxidants, khulukhulu umhlobo ophephuli.
Amakari wamafeya anebisi elimhlophe kuthiwa aletha inzuzo kwezamaphilo efana nokwehlisa amazing we-high blood kanye nokugandeleleka kwengazi begodu akhandela ikankere. Amakari wamafeya asetjenziselwa nokwenza itiye eyelapha i-bronchitis.
Iimfundo ezenziwa bososayensi zikhombisa kobana amafeya alapha kuhle imiraro eyahlukahlukeneko yeskhumba ekubalwa nentwala. Bakholelwa kobana ukudla amafeya afretjhi kwenze bona indeni ihlwengeke, kuyarhudisa.
Tjheja:
Ilwazeli lenzelwe ukufundisa kanye nomncopho wokupha ilwazi kwaphella begodu alingathathwa njengeseluleko sezepilo/Ilwazeli alikenzelwa ukujamiselela iseluleko sakadorhodere nanyana abantu abasebenza kwezamaphilo.
Translated by Busisiwe Skhosana